| e-texts navigator |
| Wylie |
177b1 རྣམས་ལ་བསྡམས།། ཞི་ཞིང་ཞི་བའི་གནས་ལ་དགའ།། སོ་སོར་ཐར་ལ་སློབ་བྱེད་ལ།། དེ་དག་དགེ་སློང་བྲམ་ཟེ་ཡིན།། ཆོས་རྣམས་གཙོ་བོས་བླངས་ནས
177b2 ནི།། ཅི་ཡང་མེད་པའི་དགེ་སློང་བ།། བས་མཐའ་དགོན་པ་རྣམས་སུ་དགའ།། དེ་དག་དགེ་སློང་བྲམ་ཟེ་ཡིན།། དེ་དག་བྲེ་མོའི་གཏམ་མི་དགའ།། སོ་སོར་ཐར
177b3 རྣམས་ལེགས་པར་བསླབས།། གང་ཟག་མཆོག་ལ་ཉིན་མཚན་དུ།། བཀུར་སྟི་ཆེན་པོ་བྱེད་པ་ཡིན།། ཞིང་ཡང་མི་རྨེད་ཚོང་མི་བྱེད།། ལྷུང་བཟེད་ཆོས་གོས
177b4 རྙེད་མི་ཚོལ།། ལེན་པ་མེད་པར་བརྩོན་པ་གང་།། དེ་དག་སངས་རྒྱས་ཉན་ཐོས་ཡིན།། དེ་དག་བུད་མེད་བསྟེན་མི་བྱེད།། བུད་མེད་རྣམས་དང་འདུ་བ་མེད།།
177b5 ཤིང་དྲུང་རྣམས་ནི་བསྔགས་པར་བྱེད།། དེ་དག་སངས་རྒྱས་ཉན་ཐོས་ཡིན།། ཟས་སྐོམ་དང་ནི་དོན་གྱི་ཕྱིར།། གཙམ་གསག་དག་ཀྱང་ཡོང་མི་བྱེད།། དེ་འདྲར
177b6 གྱུར་པ་དེ་དག་ནི།། དགེ་སློང་མ་ལ་བརྟེན་མི་བྱེད།། མཚོན་རྣོན་ཇི་ལྟར་བདར་བ་བཞིན།། བུད་མེད་རྣམས་ནི་དེ་འདྲར་ཤེས།། སོ་སོར་ཐར་ལས་བྱུང་བ་བཞིན།།
177b7 བུད་མེད་འདུ་ཤེས་སྤོང་བར་བྱེད།། ངེས་པ་དེ་དག་ཟས་ཕྱིར་དང་།། སྐོམ་གྱི་ཕྱིར་དང་གོས་ཀྱི་ཕྱིར།། ཁྱིམ་ཁྱིམ་དག་ཏུ་འགྲོ་བྱེད་ཅིང་།། ཆོས་རྣམས་སྟོན་པར
177b8 མི་བྱེད་དོ།། དགེ་སློང་རྣམས་ཀྱིས་བུད་མེད་རྣམས།། ལྟ་བར་མི་བྱ་རྫོགས་སངས་གསུངས།། དེ་ལ་ཤེས་ལྡན་སུ་ཞིག་སྟོན།། དེ་ནི་བདུད་ཀྱི་སྤྱོད་ཡུལ་ཡིན།
iiif viewer powered by OpenSeadragon
