| e-texts navigator |
| Wylie |
175a1 @འཆག་པ་དང་ཉལ་བ་ལ་མཁས་པར་བྱའོ།། རབ་ཏུ་དབེན་པ་དང་དགོན་པར་དགའ་བ་དང་། ཞི་བའི་གནས་མལ་སྒྲ་ཆུང་བ་སྐད་ཆུང
175a2 བ་འཇིགས་པ་ཡིད་ལ་བྱེད་པ་མེད་པ། སྡིག་སྦྲུལ་མེད་པ། མི་མང་པོ་མེད་པ། མིས་དབེན་པ་ནང་དུ་ཡང་དག་འཇོག་པ་དང་དགོན་པ་བསྟེན་པར་བྱའོ།། བདག
175a3 བསྟོད་པར་མི་བྱ་གཞན་སྨད་པར་མི་བྱའོ།། ཚུལ་འཆོས་པ་དང་ཁ་བསག་མི་བྱའོ།། རྟག་ཏུ་རྒྱུན་མི་ཆེད་པར་སྐྱེ་བའི་སེམས་བསྐྱེད་པར་བྱའོ།། དེས་ཁྱིམ
175a4 པ་དང་རབ་ཏུ་བྱུང་བ་རྣམས་དང་འདྲ་ཞིང་འདྲིས་པར་མི་བྱའོ།། སྟོང་པའི་ཆོས་རྣམས་ཀུན་ཏུ་བསྟེན་པར་བྱ། བསྒོམ་པར་བྱ། མང་དུ་བྱའོ།། དེས་རིགས་པ
175a5 དང་མི་ལྡན་པའི་དགེ་སློང་དང་། ལྷན་ཅིག་ཕྲད་པ་སྤང་བར་བྱའོ།། དགེ་སློང་མ་དང་འདྲིས་པར་མི་བྱའོ།། འདོད་པ་ཆུང་བར་ཡང་བྱའོ།། རྟག་ཏུ་བདག་ཉིད་ཀྱི
175a6 འཁྲུལ་པ་རྣམས་ལ་སོ་སོར་བརྟག་པར་བྱའི། གཞན་གྱི་འཁྲུལ་པ་རྣམས་ལ་བརྟག་པར་མི་བྱའོ།། ཕ་མ་ལ་ཡང་ཡིད་བརྟན་པར་མི་བྱ་ན། རིགས་གཞན་ལ
175a7 ལྟ་ཅི་སྨོས། ཤིན་དུ་ཡང་དག་པར་བསྡམས་པ་ཅན་དུ་བྱའོ།། ཉེ་བར་ཞི་བའི་ཆོས་ཀྱི་སྦྱིན་བདག་བྱའོ།། དམིགས་པ་ལ་མཁས་པར་བྱའོ།། དབེན་པའི
175a8 གནས་མལ་དུ་གནས་པར་བྱའོ།། འཐུན་པ་ཡང་གཞན་དག་ལ་སྨྲ་བར་མི་མཐུན་པ་ལ་ཅི་སྤོས། དེས་ཆོས་དེ་དག་ལ་སེམས་ཉེ་བར་གནས་པར་བྱས་ནས
iiif viewer powered by OpenSeadragon
