| e-texts navigator |
| Wylie |
174b1 ལ་ཆོད་ཟིན་པར་ཡང་བྱའོ།། ལྷུང་བཟེད་ལ་ཚོད་ཟིན་པར་ཡང་བྱའོ།། དེས་ཁ་ཟས་ཡོག་ཙམ་གྱི་བཟའ་བར་ཡང་མི་བྱ་སྟེ། ལྟོ་མ་བཀྲེས་ཙམ་དུ་ཁ་ཟས་བསྲུང་།
174b2 བར་དེས་བསླབ་པར་བྱའོ།། དེས་ཁ་ཟས་ལ་རྟག་ཏུ་རྒྱུ་མི་འཆད་པར་མི་གཙང་བའི་འདུ་ཤེས་བསྐྱེད་པར་བྱ་སྟེ། འདི་ལྟ་སྟེ་ཕྱི་ས་དང་གཅིན་གྱི་འདུ་ཤེས་དང་།
174b3 རྣག་གི་འདུ་ཤེས་དང་། སྐྱུགས་པའི་འདུ་ཤེས་དང་། མི་གཙང་བའི་འདུ་ཤེས་དང་། མ་བརྐུ་བ་ལྟ་བུའི་འདུ་ཤེས་དང་། སྨད་པར་འདུ་ཤེས་པ་དང་། མི་མཐུན་པའི
174b4 འདུ་ཤེས་དང་། བུའི་ཤ་ལྟ་བུའི་འདུ་ཤེས་དང་། དོར་བའི་འདུ་ཤེས་དང་། སྤང་བའི་འདུ་ཤེས་དང་། དྲི་མི་ཞིམ་པའི་འདུ་ཤེས་བསྐྱེད་པར་བྱ་སྟེ། དེས་དེ་ལྟ་བུའི
174b5 ཚུལ་དུ་བཟའ་ཞིང་ཚོད་རིག་པར་བྱའོ།། དེས་ཆགས་པ་མེད་པ་དང་། སྡང་བ་མེད་པ་དང་། རྨོངས་པ་མེད་པ་དང་། རྟག་ཏུ་དབེན་པ་ལ་མངོན་པར་དགའ་བར་བྱ་སྟེ།
174b6 བྲེ་མོའོ་གཏམ་ལ་དགའ་བར་མི་བྱའོ།། རི་དགས་འཆི་བ་ལྟ་བུར་དང་དུ་བླང་བར་བྱའོ།། དབེན་པར་བྱའོ་དབེན་པ་ལ་མངོན་པར་དགའ་བར་བྱའོ།། དབེན་པ་ལ
174b7 མངོན་པར་དགའ་ཞིང་མོས་པ་དང་། བཟོད་པ་དང་ལྡན་པར་བྱའོ།། དེས་པ་དང་འགྲོགས་ན་བདེ་བར་བྱའོ།། འཇིག་རྟེན་གྱི་གཏམ་ལ་མི་བརྟེན་པར་བྱའོ།། ཆོ
174b8 གི་སྤྱོད་པ་སྤང་བར་བྱའོ།། སྨན་སྤྱད་ལ་དགལ་བ་དང་། འཕྲིན་པ་ལ་དགའ་བ་དང་། ཁྱིམ་གྱི་བྱ་བ་དང་འབྲེལ་བར་མི་བྱའོ།། འདུག་པ་དང་འགྲེང་བ་དང་།
iiif viewer powered by OpenSeadragon
