| e-texts navigator |
| Wylie |
169b1 དག་མཉན་པའི་ཕྱིར་ཇི་སྲིད་མཚོའི་བར་དུ་ཕྱིར་བཀག་ཀྱང་སྟོན་པའི་ཕྱི་བཞིན་རྗེས་སུ་འབྲང་བ་ནི་རིགས་པ་ཡིན་ནོ།། ཀུན་དགའ་བོ་གསུམ་པོ་འདི་དག་ནི་གནོད
169b2 པ་ཡིན་ནོ།། གསུམ་གང་ཞེ་ན། སློབ་དཔོན་གྱི་གནོད་པ་དང་། སློབ་མའི་གནོད་པ་དང་། ཚངས་པར་སྤྱོད་པའི་གནོད་པའོ།། ཀུན་དགའ་བོ་སློབ་དཔོན་གྱི་གནོད
169b3 པ་གང་ཞེ་ན། ཀུན་དགའ་བོ་འདི་ལ་སྟོན་པ་རྟོག་གེ་པ་ཅན། རྟོག་གེར་རྟོགས་པའི་སར་རང་གི་སྤོབས་པ་ལས་བྱུང་བ་སོ་སོའི་སྐྱེ་བོ་པ། དཔྱོད་པའི་རྗེས་སུ་སྤྱོད་པ་ལ
169b4 གནས་པ་དེ་འཇིག་རྟེན་དུ་བྱུང་ན། དེ་གནས་མལ་དགོན་པ་འམ། ནགས་འདབ་བམ། བས་མཐའ་དག་ཏུ་གནས་པར་བྱེད་དོ།། དེ་གནས་མལ་དགོན་པ་འམ།།
169b5 ནགས་འདབ་བམ། བས་མཐའ་དག་ན་གནས་པའི་ཚེ། ཉན་པ་པོ་ཁྱིམ་པ་དང་། རབ་ཏུ་བྱུང་བ་དག་རྗེས་སུ་འབྲང་བར་འགྱུར་རོ།། དེ་ཉན་པ་པོ་ཁྱིམ་པ་དང་།
169b6 རབ་ཏུ་བྱུང་བ་རྗེས་སུ་ལྷགས་པ་དག་ཆུམས་པར་བྱེད་ཅིང་། བརྒྱལ་བ་བསྐྱེད་པར་བྱེད་ལ། མང་པོ་སྡུ་བའི་ཕྱིར་རྗེས་སུ་འཇུག་པར་བྱེད་དེ། ཀུན་དགའ་བོ་དེ་ནི་སློབ
169b7 དཔོན་གྱི་གནོད་པ་ཞེས་བྱའོ།། ཀུན་དགའ་བོ་སློབ་དཔོན་གྱི་གནོད་པས་གནོད་པར་གྱུར་པའི་སློབ་དཔོན་དེ་ནི། སྡིག་པ་མི་དགེ་བའི་ཆོས། ཀུན་ནས་ཉོན་མོངས་པར
169b8 འགྱུར་བ། ཡང་སྲིད་པར་འགྱུར་བ། གདུང་བ་དང་བཅས་པ་རྣམ་པར་སྨིན་པ། སྡུག་བསྔལ་བ་དང་། ཕྱི་མ་ལ་སྐྱེ་བ་དང་། རྒ་བ་དང་། འཆི་བར་འགྱུར་བ་རྣམས
iiif viewer powered by OpenSeadragon
