| e-texts navigator |
| Wylie |
168b1 གཅིག་ཏུ་དགེ་བ
168b2 ཡིན་པ་དེ་སྤངས་པར་ཤེས་པར་གྱུར་ན། དེ་དེ་ལ་དྲན་པ་དང་། ཤེས་བཞིན་ཅན་དུ་འགྱུར་ཏེ། ཀུན་དགའ་བོ་ཆོས་དེ་དག་ནི་གཅིག་ཏུ་དཀར་བ། གཅིག་ཏུ་ཁ་ན
168b3 མ་ཐོ་བ་མེད་པ་སྟེ། བདུད་སྡིག་ཅན་གྱིས་འདའ་བར་བྱ་བ་མ་ཡིན་ཞིང་སྡིག་པ་མི་དགེ་བའི་ཆོས་ཀུན་ནས་ཉོན་མོངས་པར་འགྱུར་བ། ཡང་སྲིད་པར་འགྱུར་པ།
168b4 གདུང་བ་དང་བཅས་པ། རྣམ་པར་སྨིན་པ། སྡུག་བསྔལ་བ་ཕྱི་མ་ལ་སྐྱེ་བ་དང་། རྒ་བ་དང་། འཆི་བར་འགྱུར་བ་རྣམས་ཀྱིས་མི་འཕྲོགས་པ་ཡིན་ནོ།།
168b5 ཀུན་དགའ་བོ་ཇི་སྙམ་དུ་སེམས། ཉན་ཐོས་དད་པ་ཅན་དག་ཇི་སྲིད་མཚོའི་བར་དུ་ཕྱིར་བཀག་ཀྱང་སྟོན་པའི་ཕྱི་བཞིན་རྗེས་སུ་འབྲང་བར་འོས་པ་ཅིའི་ཕྱིར་སྙམ།
168b6 གསོལ་པ། བཙུན་པ་བཅོམ་ལྡན་འདས་ནི། ཆོས་རྣམས་ཀྱི་གཞི་པོ་ལགས་སྟེ། བཅོམ་ལྡན་འདས་ཀྱིས་མཚོན་པ་དང་། བཅོམ་ལྡན་འདས་ལ་བརྟེན
168b7 པ་ལགས་པས། བཅོམ་ལྡན་འདས་ཀྱིས་དོན་དེ་དགེ་སློང་རྣམས་ལ་ལེགས་པར་བཀའ་སྩལ་དུ་གསོལ། བཅོམ་ལྡན་འདས་ལས་ཐོས་ནས་དགེ་སློང་རྣམས་ཀྱང
168b8 འཛིན་པར་འགྱུར་ལགས་སོ།། བཀའ་སྩལ་པ། ཀུན་དགའ་བོ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་བཤད་པར་བྱའོ།། ཀུན་དགའ་བོ་ཉན
168b9 ཐོས་དད་པ་ཅན་གང་དག་འདི་ལྟ་སྟེ། མདོའི་སྡེ་དང་། དབྱངས་ཀྱིས་བསྐྱེད་པའི་སྡེ་དང་། ལུང་བསྟན་པའི་སྡེ་དང་། ཚིགས་སུ་བཅད་པའི་སྡེ་དང་། རྨེད་དུ
iiif viewer powered by OpenSeadragon
