| e-texts navigator |
| Wylie |
97b1 བྱ་བའི་གཟུངས། རྫོགས་སྷོ།། བཀྲ་ཤིས། རྒྱ་གར་སྐད་དུ། ཨཱརྱ་ས་མ་དྷི་ཨ་ཏྲ་ཨུན
97b2 ཏ་མ། བོད་སྐད་དུ། འཕགས་པ་ཏིང་ངེ་འཛིན་གྱི་མཆོག་དམ་པ། བམ་པོ་གཅིག་པའོ།། འདི་སྐད་བདག་གི་ཐོས་པའི་དུས་ཅིག་ན། བཅོམ་ལྡན་འདས་རྒྱལ་པོའི
97b3 ཁབ་ན། དགེ་སློང་ཆེན་པོའི་དགེ་འདུན་སུམ་ཁྲི་དང་། བྱང་ཆུབ་སེམས་དཔའི་སྐྱེས་བུ་ཆེན་པོ་ལྔ་སྟོང་རྩམ་དང་། ལྷ་དང་ཀླུ་ལས་སོགས་པ་སྡེ་བརྒྱད་དང་། ལྷ་དང་།
97b4 མི་ལས་སོགས་པ་འཁོར་མང་པོ་དང་ཐབས་ཅིག་ཏུ་བཞུགས་སོ།། དེ་མ་ཡིན་པ་གཞན་ཡང་ཕྱོགས་བཞིའི་མགོན་པོ་གཞི་དང་། སྲིན་པོ་དང་ཡི་དགས་ལས་སོགས་པ
97b5 སྡེ་གཞིའི་འཁོར་དེར་འདུས་པར་གྱུར་ཏོ།། དེའི་ཚེ་ན་བཅོམ་ལྡན་འདས་འོད་ཟེར་གྱི་ཏིང་ངེ་འཛིན་དུ་ཞུགས་ནས། ཅང་མི་གསུང་ཞིང་བཞུགས་པ་ལ། འཁོར་མང་པོ།
97b6 ཐེ་ཚོམ་དུ་གྱུར་ཏོ།། དེ་ནས་འཇམ་དཔལ་གཞོན་ནུ་ཆོས་ཀྱི་རྒྱལ་བུ་འདུག་པ་ལས་ལངས་ཏེ། སངས་རྒྱས་ལ་ལན་གསུམ་བསྐོར་བ་བྱས་ནས། ཚིགས་སུ་བཅད་པ
97b7 འདི་དག་གི་མངོན་པར་བསྟོད་དོ།། ཤིན་དུ་ལེགས་སོ་ཆོས་ཀྱི་རྗེ། ཏིང་ངེ་འཛིན་ལ་ཞི་བར་བཞུགས། འཁོར་གྱི་དཀྱིལ་འཁོར་མང་པོ་རྣམས།། ཐམས་ཅད་ཐེ་ཚོམ།།
97b8 སྐྱེས་པར་གྱུར། ཤིན་ཏུ་ལེགས་སོ་ཉི་ཟླའི་འོད།། ཅང་མི་གསུང་བར་གནང་མི་མཛད།། ཤིན་ཏུ་ལེགས་རིན་ཆེན་གཏེར། དབུལ་ཕོངས་རྣམས་ལ་སྦྱིན་མི་མཛད།
iiif viewer powered by OpenSeadragon
