| e-texts navigator |
| Wylie |
121b1 ཞུས་པ་ཞེས་བྱ་བ། ཐེག་པ་ཆེན་པོའི་མདོ།། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ།
121b2 ལྡན་འདས་རྒྱལ་པོའི་ཁབ་ན། བྱ་རྒོད་ཕུང་པོའི་རི་ལ། དགེ་སློང་དྲུག་ཁྲི་ཉིས་སྟོང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཕལ་ཆེར་ཕྱོགས
121b3 བཅུའི་འཇིག་རྟེན་གྱི་ཁམས་ནས་འདས་པ་བདུན་ཁྲི་སྟོང་ཐམས་ཅད་ཀྱང་། མངོན་པར་ཤེས་པ། གཟུངས་ཐོབ་པ། སྤོབས་པ་ཆགས་པ་མེད་པ། ཏིང་ངེ་འཛིན་ཐོབ་པ།།
121b4 དྲན་པ་དང་བློ་གྲོས་དང་རྟོགས་པ་དང་། མོས་པ་དང་། ངོ་ཚ་ཤེས་པ་དང་། ཁྲེལ་ཡོད་པ་ཕུན་སུམ་ཚོགས་པ། བསམ་པ་རྡོ་རྗེ་ལྟར་བརྟེན་ཞིང་མི་ཕྱེད་པ། སངས་རྒྱས་ཀྱི་ཆོས
121b5 ཐམས་ཅད་ལ་སྦྱོར་བ་ཕུན་སུམ་ཚོགས་པ། ལྷག་པའི་བསམ་པ་ཁྱད་པར་འཕགས་པ་ལ་ཞུགས་པ། བདག་ཉིད་བྱང་ཆུབ་ཀྱི་སེམས་མི་འདོར་བ། སེམས་ཅན་གཞན་བྱང་ཆུབ
121b6 སེམས་དཔའ་ཡང་དག་པར་འཛིན་དུ་འཇུག་པ། སྦྱིན་པ་དང་དལ་བ་དང་། ཡང་དག་པར་སྡོམས་པ་དང་། བཟོད་པ་དང་། ངེས་པ་དང་། འཕགས་པའི་དངོས་པོ་ཐམས
121b7 ཅད་ཡོངསུ་བཏོང་བ། ཡོངས་སུ་བསྔོ་བའི་ཆོ་ག་ཤེས་པ་ལུས་དང་ངག་དང་། སེམས་ཚུལ་ཁྲིམས་ཀྱི་རྒྱན་གྱིས་ལེགས་པར་བརྒྱན་པ་དང་། སེམས་ཅན་ཐམས་ཅད་ལ
121b8 སེམས་སྙོམས་པ་དང་། བཟོད་པ་དང་ངེས་པའི་སྟོབས་ཀྱི་ཆོ་ག་ཤིན་ཏུ་དགོས་པ། བསྐལ་པ་གྲངས་མེད་པ། བྱེ་བ་ཕྲག་ཁྲིག་བརྒྱ་སྟོང་དུ་བརྩོན་འགྲུས་ཤིན་ཏུ་བརྩོབ་པ།།
iiif viewer powered by OpenSeadragon
