| e-texts navigator |
| Wylie |
118a1 ཀྱི་ངན་ཆུད་ནས།། ངུ་འབོད་ཆེན་པོར་སྲེག་པར་འགྱུར།། ཏམས་པ་རྟོགས་པའི་མི་དག་ནི།། རལ་གྲི་ཡིས་ནི་ལུས་སྒྲུབ་ཅིང་།། བྱ་རྒོད
118a2 བྱ་རྒོད་འུག་པ་ཁྱིས།། འགུལ་བཞིན་དུ་ནི་ཟ་བར་འགྱུར།། དགེ་སློང་དག་མི་རྣམས་ཀྱི་ལོ་སྟོང་དྲུག་བརྒྱ་གང་ཡིན་པ་དེ་གཞན་འཕྲུལ་དབང་བྱེད་ཀྱི་སྦྱིན་ཞག་ཅིག་གོ།།
118a3 ཉིན་ཞག་དེ་སུམ་བཅུ་ལ་ཟླ་བ་ཅིག། ཟླ་བ་བཅུ་གཉིས་ལ་ལོ་ཅིག་ཏེ།། གཞན་འཕྲུལ་དབང་བྱེད་ཀྱི་ལྷ་རྣམས་ཀྱི་ཚེའི་ཚད་ནི།། ལོ་དེ་ལྟ་བུར་རྩིས་པོའི་ལྷའི་ལོ་ཁྲི་དྲུག་སྟོང
118a4 ཡོད་དོ།། དེ་མིའི་ལྟར་རྩིས་ནས་ལོ་ས་ཡ་ཕྲག་དྲུག་དང་།། ལོ་བྱེ་བ་ཕྲག་དགུ་བརྒྱ་ཉི་ཤུ་རྩ་ཅིག་ཡོད་དེ་བར་མ་དོར་མཆི་བ་ནི་ཡོད་དོ།། དེ་ནི་སེམས་ཅན་དམྱལ་བ་ཆེན་པོར་ཚ་བའི
118a5 ཉིན་ཞག་ཅིག་གོ། དེ་སུམ་བཅུ་ལ་ཟླ་བ་ཅིག། ཟླ་བ་བཅུ་གཉིས་ལ་ལོ་ཙག་སྟེ།། སེམས་ཅན་དམྱལ་བ་ཆེན་པོའི་ཚེའི་ཚད་ནི། ལོ་དེ་ལྟ་བུར་རྩིས་པའི་ལོ་ཁྲི་དྲུག་སྟོང་ཡོད་དོ།།
118a6 དེ་མིའི་ལྟར་རྩིས་ན་ལོ་བྱེ་བ་ཕྲག་ས་ཡ་བརྒྱད་དང་།། བཞི་འབུམ་དང་། ལོ་བྱེ་བ་ཕྲག་ཁྲི་དྲག་སྟོང་ལྔ་བརྒྱ་སུམ་འབུམ་ཡོད་དེ་བར་མ་དོར་མཆི་བ་ཡོད་དོ།། དེ་ནས་བཅོམ་ལྡན
118a7 འདས་ཀྱིས་དེའི་ཚེ་ཚིག་སུ་བཅད་དེ་བཀའ་སྩལ་པ།། དགེ་སློང་བྲམ་ཟེ་དགེ་བ་དང་། དེ་བཞིན་དུ་ནི་ཕ་མ་དང་། གང་ཞིག་རྟག་ཏུ་བདུད་བྱེད་པ།། དེ་ནི་ཚ་བར་སྐྱེ་བར་འགྱུར།།
118a8 འདིར་ནི་གང་ཞིག་བདུང་བ་ཡིས།། སྐྱེ་བ་མང་པོར་གདུང་བྱེད་པ། ལས་དེ་དག་གི་ཚ་བ་ཡི།། དམྱལ་བ་རྣམས་སུ་སྐྱེ་བར་འགྱུར།། དགེ་སློང་དག་ཆུ་བུར་ཅན་དུ་སྐྱེ་བར་འགྱུར
iiif viewer powered by OpenSeadragon
