| e-texts navigator |
| Wylie |
113a1 ཚད་ལོ་དེ་ལྟ་བུར་རྩིས་པའི་ལོ་ལྔ་བརྒྱ་སྟེ། དེ་མིའི་ལྟར་རྩིས་ན་ལོ་ཁྲི་ལྔ་སྟོང་ཡོད་དོ།། བར་མ་དོར་མཆི་བ་ནི་ཡོད་དོ།། དེ་ནས་བཅོམ
113a2 ལྡན་འདས་ཀྱིས་ཚིགས་སུ་བཅད་དེ་བཀའ་སྩལ་པ། རི་ལྟར་རབ་ཏུ་ཆེའི་ལུས་བགྲེང་ཞིང་།། མཆུ་དང་མིག་སྐམས་ཤིན་ཏུ་སྡུག་བསྔལ་བ། རང་གི་སྒྲ་གཡོག
113a3 ཁ་བ་དང་གནམ་དུ་ལྟ། སྣ་ནི་ཁབ་ལྟར་རབ་ཏུ་ཕྲ་བ་དང་།། རུས་གོང་འདྲ་ལུས་ཅེར་བུ་རང་སྐྲས་གཡོག། གཟུགས་མི་སྡུག་པ་བགྲེང་ཞིང་ཐོད་པ་ཐོགས།། ཀྲེས།
113a4 དང་སྐོམ་དང་ངལ་བས་རབ་གཟིར་གང་། ཚེ་ངེས་འདེབས་ཤིང་ཀུན་ཏུ་རྒྱུག་པ་དག། ཉམས་ཐག་སྐད་འབྱིན་སྡུག་བསྔལ་ཚེར་བ་མྱོང་། ཕ་ཚུན་ཕྲ་དོག་སེར
113a5 སྣ་འདིར་སྟེན་ཅིང་། འདིར་ནི་སྡིག་པའི་ལས་དག་བྱས་པའི་ས། ཡི་དགས་འཇིག་རྟེན་དུ་ནི་དེ་དག་སྐྱེས།། དགེ་སློང་དག་ཤར་གྱི་ལུས་འཕགས་ཀྱི་མི་རྣམས
113a6 ཀྱི་ཚེ་ཚད་ནི། ལོ་ཉེས་བརྒྱ་ལྔ་བཅུ་སྟེ། བར་མ་དོར་མཆི་བ་ནི་ཡོད་དོ།། དགེ་སློང་དག་ནུབ་ཀྱི་བ་གླང་སྤྱོད་ཀྱི་མི་རྣམས་ཀྱི་ཚེ་ཚད་ནི་ལོ་ལྔ་བརྒྱ་སྟེ། བར་མ་དོར
113a7 མཆི་བ་ནི་ཡོད་དོ།། དགེ་སློང་དག་བྱང་གི་སྒྲ་མི་སྙན་གྱི་མི་རྣམས་ཀྱི་ཚེ་ཚད་ནི་ལོ་སྟོང་སྟེ་བར་མ་དོར་མཆི་བ་ནི་ཡོད་དོ།། རྒྱུ་གང་གིས་སྒྲ་མི་སྙན་པ་རྣམས་ཀྱི་ཚེ་ཚད
113a8 ལོ་སྟོང་ཐུབ་པར་མ་དོར་མཆི་བ་མེད་པ་ཅེ་ན། དགེ་སློང་དག་བྱང་གི་སྒྲ་མི་སྙན་གྱི་མི་དག་གི་ནི་མེད་ཅིང་ཡོངསུ་འཛིན་པ་མེད་ལ་ཚེ་ལ་ངེས་པ་ཡོད་ཅིང་། འདི་ནས
iiif viewer powered by OpenSeadragon
