| e-texts navigator |
| Wylie |
111b1 མིག་མེད་མིག་ནི་ཉམས་པ་དང་། ཤེས་རབ་ཆུང་ངུས་མི་ཤེས་སོ།། རྐང་གཉིས་དམ་པ་འགྲོ་བའི་ཞིང་། འདི་ནི་བདག་གི་བརྙེད་པ་དང་། དལ་བ་རབ་དཀོན
111b2 ཐོས་པས་ན།། བྱང་ཆུབ་དུ་ནི་སྨོན་ལམ་བཏབ།། བདག་དང་འདྲེན་པ་ཁྱོད་ཀྱི་ནི།། ཡོན་ཏན་རྗེས་སུ་སློབ་པར་འཚལ།། བླ་མེད་བྱང་ཆུབ་ཐོབ་ནས་ནི།།
111b3 རྫུ་འཕྲུལ་འདི་འདྲ་བདག་གིས་བགྱི།། དེ་ནས་དེའི་ཚེ་བཅོམ་ལྡན་འདས་ཀྱི་འཛུམ་པ་མཛད་ནས། བཅོམ་ལྡན་འདས་ཀྱི་ཞལ་གྱི་སྒོ་ནས། འོད་ཟེར་ཁ་དོག
111b4 སྣ་ཚོགས་འདི་ལྟ་སྟེ། སྔོན་པོ་དང་། སེར་པོ་དང་། དཀར་པོ་དང་། བཅོད་ཤེས་གྱི་ཁ་དོག་དང་། དངུལ་གྱི་ཁ་དོག་ལྟ་བུ་དག་བྱུང་ངོ་།། དེ་དག་བྱུང་ནས
111b5 ཚངས་པའི་འཇིག་རྟེན་གྱི་བར་དུ་སོང་སྟེ། ཡང་སླར་ལོག་ནས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ། བཅོམ་ལྡན་འདས་ཀྱི་དབུའི་གཙུག་གཏོར
111b6 དུ་ནུབ་པར་གྱུར་ཏོ།། དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་ཚིགས་སུ་བཅད་དེ་གསོལ་པ།། རྒྱལ་མཆོག་འདྲེན་པ་འགྲོ་བའི་གཙོ་བོ།།
111b7 རྣམས།། རྒྱུ་མ་མཆིས་པར་འཛུམ་པ་མི་འཛད་ན། ཐུགས་རྗེ་ལྡན་པས་འཇིག་རྟེན་སྨན་སླད་དུ།། དེང་འདིར་ཅི་ཕྱིར་འཛུམ་མཛད་བདག་ལ་གསུངས།
111b8 དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའོ་ལ་འདི་སྐད་ཅེས་བཀའ་སྩལ་ཏོ།། ཀུན་དགའ་བོ་ཁྱོད་ཀྱི་ཁྱེའུ་ཚངས
iiif viewer powered by OpenSeadragon
