| e-texts navigator |
| Wylie |
64b1 མི་ནུས་པར་ཐོབ་པའོ།། ལོག་པའི་སྨན་མས་སེམས་ལ་ཕོག་ན། གཡོ་བར་མི་ནུས་ཏེ། ཡིད་དགས་ཀྱིས་ནོན་པ་ལྟར་རྐ་ལག་དང་སྔ་མ་ཁོ་བཞིན་ཏེ། ཞིང
64b2 མཐོང་བ་དང་ཐོས་པ་མ་འཁྲུལ་ཏོ།། དེའི་མིང་ནི་ཚེར་བའི་ཕུང་པོས་བསྒྲིབས་པའོ།། དེ་སྟེནོན་པ་ལས་སངས་ནས་སེམས་ལུས་དང་བྲལ་ཏེ། སླར་གདོང་ལ
64b3 རྟོག་ན་འགྲོ་བ་དང་འདུག་པ་ལ་རང་དབང་དུ་གྱུར་ཏེ། སྒྲིབ་པ་མེད་དོ།། དེའི་མིང་ནི་ཚེར་བའི་ཕུང་པོ་ཟད་དོ།། མིང་དེ་ནི་ལྟ་བའི་སྙིགས་མ་ལས་འདས་སོ།། དོན་དེ་ལ་རྟག
64b4 ན་ཡང་དག་པ་མ་ཡིན་པའི་འདུ་ཤེས་ཀྱིས་རྩ་བ་གསོག་གིས་ཕྱིར་རོ།། དགའ་བོ་རིགས་ཀྱིས་བུ་དེ་དག་དེ་ལ་གནས་ཏེ། ནང་ཤིན་ཏུ་བསྒྲིབས་པ་ལས། སེམས་ལ་ནང
64b5 ནས་གསལ་འབྱུང་སྟེ། འོད་ཟེར་ཆེན་པོ་ཐོབ་ནས། སེམས་ཀྱིས་སྐད་ཅིག་ཙམ་མི་ཟད་པའི་སྙིང་རྗེ་སྐྱེས་ནས། སྦྲང་བུ་ལྕགས་ཕྱེ་ལ་ཡང་བུ་གཅིག་པ་བཞིན་བྱམས
64b6 པར་ལྟ་ཞིང་། དེ་བཞིན་དུ་སྙིང་རྗེའི་སེམས་སྐྱེས་ནས། མི་མཚོར་བར་འཆིས་བྱུང་སྟེ། དེའི་མིང་ནི་ལྷག་པར་སྤྱོད་པ་གྲགས་པའི་དོན་ལས་བྱུང་བ་ཡིན་ཏེ། དེ་ལ་ཚེར
64b7 ནི་ཉིད་མེད་དེ། འཕགས་པར་གྱུར་པ་མ་ཡིན་ནོ།། དེ་ལ་ཚེར་རབས་ཆུད་ནས་ནོར་བར་མི་འགྱུར་ཏེ། རིང་ཞིག་ནས་ཞི་ཞིང་བྱང་ངོ་།། དེ་ལ་འཕགས་པར་སྙམ་དུ་སེམས
64b8 ན་ནི་སྙིང་རྗེའི་བདུད་ཁོང་དུ་ཞུགས་ཏེ།། མི་དག་མཐོང་ན་སྙིང་རྗེ་སྐྱེ་ཞིང་མཆི་མ་མི་འཆད་པར་འབྱུང་སྟེ། ཡང་དག་པའི་གྲལ་སྟེར་ནས་ལོག་པར་གྲོལ་བར་ལྟུང་ངོ་།
iiif viewer powered by OpenSeadragon
