| e-texts navigator |
| Wylie |
44b1 ལྟར་ཆོས་རྣམས་ལ་ཆོས་ཀྱི་རྗེས་སུ་ལྟ་ཞིང་།། དྲན་པ་ལེགས་པར་ཉེ་བར་གནས་ལ་སྡིག་པའི་ཆོས་ཐམས་ཅད་དང་མི་ལྡན། དགེ་བའི་ཆོས་ནི་ཡང་དག་པར
44b2 ཐོབ། ལུས་ཀྱིས་གནོད་པ་ནི་མེད། རྣམ་པར་ཤེས་པས་འཕངས་པ་ནི་མེད། སེམས་ཀྱིས་འཕངས་པ་ནི་མེད་ལ། ཆོས་རྣམས་ཀྱི་རྒྱུའི་ཚོགས་དང་།
44b3 འབྲས་བུ་ཡང་དག་པར་ཇི་ལྟ་བ་བཞིན་དུ་ཤེས་པས། དབེན་ན་རྒྱ་མཚོའི་རླབས་བཞིན་དུ་དགེ་བའི་ཆོས་རྣམས་ཀྱིས་རྣམ་པར་འཕེལ་ཏེ། ཇི་ལྟར་རྒྱ་མཚམ
44b4 རླབས་བྲི་ཞིང་ཡང་འབྱུང་བ་ལྟར། བྱང་ཆུབ་སེམས་དཔའ་ནི་ཆོས་རྣམས་ལ་དེ་ལྟ་མ་ཡིན་ནོ།། དེ་དཔེར་ན་ཟླ་བ་ཡར་གྱི་ངོའི་དཀྱིལ་འཁོར་དང་འདྲ་བར་ཆོས་རྣམས
44b5 ཀྱིས་མངོན་པར་འཕེལ་ཏེ། ཇི་ལྟར་མར་གྱི་ངོ་ལ་ཟླ་བའི་དཀྱིལ་འཁོར་བྲི་བའི་ཆོས་ཅན་ཡིན་པ་ལྟར། བྱང་ཆུབ་སེམས་དཔའ་ནི་ཆོས་རྣམས་ལས་དེ་ལྟ་ཡིན་ནོ།། །
44b6 དེ་དཔེར་ན་དབྱར་གྱི་དུས་ཀྱི་ཕུ་ཆུ་འབྲུག་པ་ལྟར་དགེ་བའི་ཆོས་རྣམས་ཀྱིས་མངོན་པར་འཕེལ་ཏེ། ཇི་ལྟར་ཕུ་ཆུ་འབྲུག་པ་དབྱར་གྱི་དུས་ཟད་ན་བྲི་བའི་ཆོས
44b7 ཅན་ཡིན་པ་ལྟར་བྱང་ཆུབ་སེམས་དཔའ་ནི་ཆོས་རྣམས་ལ་དེ་ལྟ་མ་ཡིན་ནོ།། ཚངས་པ་དེ་ལྟར་བསླབས་པའི་བྱང་ཆུབ་སེམས་དཔའ་ནི་མྱུར་དུ་བླ་ན
44b8 མེད་པ་ཡང་དག་པར་རྫོགས་པའི་བྱང་ཆུ་མངོན་པར་རྫོགས་པར་འཚང་རྒྱའོ།། དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་བཀའ
iiif viewer powered by OpenSeadragon
