| e-texts navigator |
| Wylie |
41a1 སྡུག་བསྔལ་ཞིང་བཀྲེན་པའི་སེམས་ཅན་གྱིས་དངོས་པོ་ཐམས་ཅད་ངན་པ་ཞིག་གིས་བསྟབས་སམ། འབྱོར་ཅིང་ནོར་ཆེ་བ་གང་ཡང་རུང་བ
41a2 ཞིག་གིས། དངོས་པོ་བཟང་པོ་མཆོག་གྱ་ནོམ་པ་ཞིག་བསྟབས་ཀྱང་། དེ་ལ་བྱང་ཆུབ་སེམས་དཔས་སྙིང་པོའི་སེམས་གཞག་ལ་གུས་པར་བསྟོད་ཅིང་ཡང་དག་པར་གཟེངས
41a3 བསྟོད་ལ། ཡང་དག་པར་འཛིན་དུ་འཇུག་ཅིང་དངོས་པོ་ངན་པ་དེ་བླང་བར་བྱའོ།། དེ་ཅིའི་ཕྱིར་ཞེ་ན། འདི་ལྟ་སྟེ་སྡུག་བསྔལ་བའི་སྦྱིན་པ་འདི་ནི་སྦྱིན་པ་བྱ་དཀའ་བ་ཡིན
41a4 པའི་ཕྱིར་རོ།། དེ་རྣམ་པར་གཡེང་བའི་སེམས་གདུལ་ཕྱིར་བསམ་གཏན་ལ་བསམ་གཏན་བྱེད་དེ།། ཇི་ལྟར་བསམ་གཏན་བྱེད་ཅེ་ན། ཚངས་པ་འདི་ལ་བྱང་ཆུབ་སེམས
41a5 དཔའ་ནི་ཐོག་མ་ཁོ་ནར་ལུས་ལེགས་པར་བསྡམས་པ་ཡིན་ནོ། ལུས་དབེན་པར་གནས་པ་ཡིན་ནོ།། ལུས་ཀྱི་འདུ་འཛི་རྣམས་ཀྱང་ཡོངས་སུ་སྤོང་ངོ་།། ལུས་ལ་ལྷག
41a6 པར་ཆགས་པ་ཡང་འདོར་རོ།། ལུས་དང་མཐུན་པ་དང་། ལུས་འཚོ་བ་དང་། ལུས་ཀྱི་སྟོབས་ཀྱང་རབ་ཏུ་ཤེས་སོ།། དག་ལེགས་པར་བསྡམས་པ་ཡིན་ཏེ། སྨྲ་བ་ཉང
41a7 ཞིང་བརྗོད་པ་ཉུང་ངོ་།། དོན་སྨྲ་བ་ཡིན་རིགས་པར་སྨྲ་བ་ཡིན་ཏེ། བྲེ་མོའི་གཏམ་ལ་དགའ་བ་ཡོངས་སུ་སྤང་བ་ཡིན་ནོ།། དེ་ཡིད་ལེགས་པར་བསྡམས་པ་ཡིན་ཏེ།།
41a8 མི་དགེ་བའི་བའི་རྣམ་པར་རྟོགས་པ་ཐམས་ཅད་ཡོངས་སུ་སྤངས་ཏེ། དེ་དེ་ལྟར་གནས་གསུམ་ཡོངས་སུ་དག་པས། སྔོན་པོ་དང་། སེར་པོ་དང་། དམར་པོ། དང་། ད་ཀར
iiif viewer powered by OpenSeadragon
