| e-texts navigator |
| Wylie |
40b1 གདུལ་བའི་ཕྱིར་བཟོད་པ་བསྒོམས་ཏེ། དེ་གྲོང་ངམ། གྲོང་རྡལ་དུ་ཞུགས་པ་ན་ཀ་ཤེ་ཡང་ཅི་ཡང་མི་ཉམས་པ་བྱེད་དོ།། བརྒྱད་ཀྱང་རུང་། རྡེག་ཀྱང་རུང་། སྡིགས
40b2 ཀྱང་རུང་། རྣམ་པར་འཇོམས་ཡང་རུང་། སྨོད་ཀྱང་རུང་སྟེ། ཅི་མི་ཉམས་པ་བྱེད་དོ།། ཀྱེ་མ་དགེ་སྦྱོང་འདི་ནི་མགོ་རེག་ངན་པའོ།། ཀྱེ་མ་དགེ་སྦྱོང་འདི་ན་མགོ་རེག
40b3 ངན་པ་མི་སྡུག་པ་ངན་པའོ་ཞེས་འཇིག་རྟེན་གྱིས་དཔྱས་ཀྱང་ཅི་མི་ཉམས་པར་བྱེད་དོ།། ཡང་དག་པ་མ་ཡིན་པས་བསྐུར་ཀྱང་བཟོད་པར་བྱེད་ཅིང་དང་དུ་ལེན་ལ་ལས
40b4 བདག་གིར་བྱ་བ་ཉིད་ལ་སྟོན་ཏེ། བཟོད་པ་དེས་ཀྱང་བདག་ལ་བསྟོད་པར་མི་བྱེད། གཞན་ལ་སྨོད་པར་མི་བྱེད་དོ།། དེ་ལེ་ལོའི་སེམས་གདུལ་བའི་ཕྱིར་དང་། བྱང་ཆུབ
40b5 ཀྱི་ཕྱོགས་པའི་ཆོས་མ་ཐོབ་པ་རྣམས་ཐོབ་པར་བྱ་བའི་ཕྱིར་དང་། ཐོབ་པ་རྣམས་འཕེལ་བར་བྱ་བའི་ཕྱིར་དང་། འཕེལ་བ་རྣམས་ཡོངས་སུ་སྨིན་པར་བྱ་བའི་ཕྱིར་དང་།
40b6 ཡོངས་སུ་སྨིན་པ་རྣམས་ཡང་དག་པར་བཟུང་བར་བྱ་བའི་ཕྱིར་དང་། ཡང་དག་པར་གཟུང་བ་རྣམས་རྣམ་པར་དབྱེ་བའི་ཕྱིར་བརྩོན་འགྲུས་རྩོམ་མོ།། དེ་སེམས་ཅན་གྱི་ཆེད་རྣམས
40b7 དང་། སེམས་ཅན་གྱི་བྱ་བ་རྣམས་ལ་ཡོངས་སུ་མི་སྐྱོ་ཞིང་། ཡོངས་སུ་སྐྱོ་བ་མི་འཆད་དེ། ཡོངས་སུ་སྐྱོ་བའི་སེམས་མི་སྐྱེད་དོ།། དེ་གདོལ་པ་ལ་ཕན་བཏགས་ཀྱང་རུང་།།
40b8 རྒྱལ་པོ་ལ་ཕན་བཏགས་ཀྱང་རུང་། ཤིན་དུ་ལམ་རིང་པོར་ཡང་འགྲོ་སྟེ། ཐ་དད་པར་མི་དམིགས་ཤིང་། རྒྱུན་མི་གཅོད་པ་ཡིན་ཏེ། གལ་ཏེ་བྱང་ཆུབ་སེམས་དཔའ
iiif viewer powered by OpenSeadragon
