| e-texts navigator |
| Wylie |
40a1 བྱ་བ་འདི་ནི་མཐར་ཕྱིན་པར་བཀའ་བ། མི་མཐུན་པར་འཛིན་པ། འཁོར་བ་ལ་མངོན་དུ་ཕྱོགས་པ། དགེ་བའི་ཕྱོགས་ལ་མི་ཕྱོ
40a2 པ། ཡུལ་ལ་མངོན་དུ་ཕྱོགས་ལ་བདེན་པ་ལ་མི་ཕྱོགས་པ། བདེ་བ་ལ་མངོན་དུ་ཕྱོགས་པ། སྡུག་བསྔལ་ལ་མི་ཕྱོགས་པ། སྨྲ་བ་ལ་དགའ་བ་ལ་མངོན་དུ་ཕྱོགས་པ།
40a3 དེ་ཁོ་ན་ལ་རྣམ་པར་ལྟ་བ་ལ་ཕྱོགས་པ། མི་གཙང་བ་ལ་མངོན་དུ་ཕྱོགས་པ། འདུལ་དཀའ་བ། བཟུང་དཀའ་བ། གནས་མེད་པ། རྟེན་མེད་པ། གསོག་གསོབ་སྐ་ཅིག
40a4 རྒྱུ་དང་རྐྱེན་ཚོགས་པ་ལས་བྱུང་བ་ཡིན་ན། མཁས་པའི་རང་བཞིན་ཅན་སུ་ཞིག་འདི་ལྟ་བུའི་རང་བཞིན་ཅན་གྱི་སེམས་ཀྱི་དབང་དུ་འགྲོ་ཞིང་རྗེས་སུ་འཇུག་སྙམ་དུ་བསམ་མོ།
40a5 དེ་དེ་ལྟར་སེམས་དྲན་པ་ཉེ་བར་གནས་པས་སེམས་གདུལ་བའི་ནན་ཏན་བྱེད་དོ།། དེ་སེར་སྣའི་སེམས་གདུལ་བའི་ཕྱིར་སྦྱིན་པ་བྱིན་པར་བྱེད་དེ། ཐ་ན་ཁམ་ཅིག་ཙམ
40a6 འམ། རྒྱ་ཤུག་ཙམ་འམ། མོན་སྲེན་གྲེའུ་ཙམ་འམ། ཏིལ་འབྲུ་ཙམ་ཡང་རུང་། དེ་ཡང་ཐམས་ཅད་ལ་སྦྱིན་པ་བྱེད་ཀྱི་སྡུག་པ་རྣམས་ལ་མ་ཡིན། འདྲིས་པ་རྣམས
40a7 ལ་མ་ཡིན་ནོ།། དེ་ལ་འཆལ་པའི་ཚུལ་ཁྲིམས་ཀྱིས་སེམས་གདུལ་བའི་ཕྱིར། ཚུལ་ཁྲིམས་སྲུང་སྟེ། ལུས་དང་ངག་དང་ཡིད་ཀྱིས་སྐྱོན་མེད་པར་བྱེད་པ་ཡིན།
40a8 འདྲེས་མར་མི་བྱེད་པ་ཡིན། ནག་ནོག་ཅན་དུ་མི་བྱེད་པ་ཡིན་ཏེ། ཚུལ་ཁྲིམས་དེས་བདག་ལ་བསྟོད་པར་མི་བྱེད། གཞན་ལ་སྨོང་པར་མི་བྱེད་དོ།། དེ་གནོད་སེམས
iiif viewer powered by OpenSeadragon
