| e-texts navigator |
| Wylie |
39a1 ཀྱ། དགོན་པ་ན་ཡོད་པ་མ་ཡིན་མ་གནོད་པ་རྩའི་འདབ་མ་ཙམ་ཡང་ལེན་པར་མི་བྱེད་དོ།། ཇི་ལྟར་ན་མི་ཚངས་པ་སྤྱོད་པ་སྤོང་བ་ཡིན་ཞེ་ན། ཚངས་པ།
39a2 འདི་ལ་བྱང་ཆུབ་སེམས་དཔའ་དབང་པོ་རྣམས་ཀྱི་སྒོ་ལེགས་པར་སྲུངས་ཤིང་། གནས་པ་ཡིན། ལེགས་པར་བསྡམས་པ་ཡིན། འཐུན་པར་གནས་སུ་རྒྱུ་བ་ཡིན།། ཤིན་དུ
39a3 སྲུངས་པའི་དྲན་པ་དང་ལྡན་པ་ཡིན། རྟག་ཏུ་སྲུངས་པའི་དྲན་པ་དང་ལྡན་པ་ཡིན། དེ་དྲན་པས་ཡིད་ཀུན་དུ་སྲུངས་པ་ཡིན། ལུས་དང་ངག་ཤིན་དུ་བསྡམས་པ་ཡིན་ནོ།།
39a4 འཐུན་པའི་གནས་སུ་རྒྱུ་ལ་དྲན་པ་དང་ལྡན་པ་ཡིན་ཞིང་འདི་སྙམ་དུ་ཡང་སེམས་མི་བསྐྱེད་དོ།། མི་ཞིག་གིས་བྱེ་མ་ཞིབ་མོ་ཤིན་དུ་བསྲེགས་པ་ལག་པ་གཉིས་ཀྱི་སྐེམ་པས
39a5 བླངས་ཏེ་མིག་གཉིས་བཀང་བ་ནི་བླའི།། ཆགས་པའི་སེམས་ཀྱིས་ཡུལ་གྱི་བཟང་མོ་ལ་ལྟ་བ་ནི་དེ་ལྟ་མ་ཡིན་ནོ།། དེ་ཅིའི་ཕྱིར་ཞེ་ན། བདག་ཡུལ་གྱི་བཟང་མོ་ལྟས་པས།
39a6 ཡུན་རིང་པོར་ཕུང་ཞིང་བཅོམ་ལ་མ་རུངས་པར་འགྱུར་བའི་ཕྱིར་རོ་སྙམ་མོ།། དེ་དེ་ལྟར་ལུས་ཀྱི་རྗེས་སུ་ལྟ་ཞིང་བཟའ་བ་དང་། བཏུང་བ་དང་། གནས་དང་། མ་ལ་ཆ་དང་།
39a7 བསྟན་རྣམས་ལ་དྲན་པ་ལེགས་པར་གནས་པ་ཡིན་ཏེ་དེ་དག་ལ་སྤྱོད་ན། རོ་མྱང་བར་མི་བྱེད་ཅིང་ཆགས་པའི་སེམས་མེད་པ་ཡིན་ནོ།། གལ་ཏེ་ཡོངས་སུ་སྤྱོད་པ་ན། བདེ་བ་སྐྱེ་བ
39a8 ལྷ་ན་དེས་དེ་ལ་འདི་ལྟར་ཉེ་བར་བརྟག་པར་བྱ་སྟེ། བདེ་བར་སྣང་བ་འདི་ནི་བཟློག་པའི་སྒོ་ནས་སྡུག་བསྔལ་ཡིན་ཏེ། ཁམས་གསུམ་པ་འདི་ན་འདུས་བྱས་ཀྱི་དངོས་པོ་བདེ
iiif viewer powered by OpenSeadragon
