| e-texts navigator |
| Wylie |
38a1 ། དག་ཡིན་པ་དོན་དང་ལྡན་པ་རྣམས་སམ། དགེ་བ་དང་ལྡན་པ་རྣམས་ཀྱང་དེ་དག་ལ་སྟོན་པར་བྱེད་དེ། ཡོངས་སུ་མི་སྐྱོ་ཞིང་ཡོངས་སུ
38a2 ཡིད་ཆད་མེད་ལ་ཡོངས་སུ་སྐྱོ་བའི་སེམས་མི་སྐྱེད་དོ།། དེ་མཁན་པོ་དང་སློབ་དཔོན་འགྲོ་ན་དྲན་པ་དང་ལྡན་ཞིང་འདི་སྙམ་དུ་སེམས་ཏེ།། མཁན་པོ་དག་ནི་བསྙེན་པར་དཀའ
38a3 བ། སློབ་དཔོན་དག་ནི་བསྙེན་པར་བཀའ་བ་དག། བདག་དེར་སོང་བ་ན་སྡིག་པ་མི་དགེ་བ་ཀུན་དུ་སྤྱོད་པ་འགའ་ཞིག་གིས།། བདག་ལ་གླེངས་ཤིང་དྲན་པར་བྱས་ནས་མི་རུང་ངོ
38a4 སྙམ་ནས། རྒྱུ་དེ་དང་རྐྱེན་དེ་དང་གཞིས་དེས་བསླབ་པ་རྣམས་ལ་གུས་པར་བྱེད་པར་འགྱུར་ཏེ། རྟུན་པར་བྱེད་པ་དང་། ལེགས་པར་བྱ་བ་བྱེད་པ་དང་། ཞི་བ་རྣལ་དུ་བྱེད་པ་དང་།
38a5 ཤིན་དུ་ཡོངས་སུ་མཐར་ཐུག་པར་བྱེད་པ་ཉིད་ཀྱིས་མཁན་པོ་དང་སློབ་དཔོན་གྱི་གན་དུ་འགྲོ་བ་ན། བག་ཚ་བ་མེད་པ་དང་། བག་ཁུམས་པ་མེད་འགྲོ་ཞིང་མི་འཇིགས་པ་དང་།
38a6 ལྷན་ཅིག་ཏུ་བྱུང་བའི་རྒོད་པ་ཡང་མི་རྟེན་ཏེ། དེ་ཅིའི་ཕྱིར་ཞེ་ན། གུས་པ་དང་བཅས་ཤིང་ཞེ་ས་དང་བཅས་ཤིང་ཞེ་ས་དང་བཅས་པ་ཡིན་ལ། རིགས་ཀྱི་བུ་བག་མ་བཞིན
38a7 དུ་འཛེམ་པ་དང་ལྡན་པ་ཡིན་པའི་ཕྱིར་རོ།། དེ་ལ་འཛེམ་པ་དང་ལྡན་པ་ལུས་ཀྱི་སྐྱོན་དང་། ལུས་ཀྱི་ཉེས་པ་སྤྱོད་པ་གང་དག་ཡིན་པ་དེ་དག་ཐམས་ཅད་ཀྱི་ཐམས་ཅད་ཏུ་ཡོངས་སུ
38a8 སྤོང་ངོ་།། ཚངས་པ་བྱང་ཆུབ་སེམས་དཔའ་ལུས་ཀྱི་སྐྱོན་དང་། ལུས་ཀྱི་ཉེས་པར་སྤྱོད་པ་དེ་དག་གང་ཞེ་ན། ཚངས་པ་སྲོག་གཅོད་པ་ནི་བྱང་ཆུབ་སེམས་དཔའ་ལུས་ཀྱི་སྐྱོན
iiif viewer powered by OpenSeadragon
