| e-texts navigator |
| Wylie |
36b1 སྐྱེས་བུ་མཆོག་ནི་བསམ་གཏན་མཛད།། ཟང་ཟིང་མི་མངའ་མཚན་མ་མི་མངའ་ཞིང་། ཐ་དད་མི་རྟེན་པ་མི་མངའ་ལ། གནས་མི་མངའ་ཞིང་སྣང་བ་མི་མངའ་བ།། ཐུབ་པ་སྐྱེས
36b2 བུ་དམ་པ་བསམ་གཏན་མཛད། རྟོག་གེ་རྣམས་ཀྱི་ཡུལ་ནི་མ་ལགས་ཤིང་། བྱིས་པ་རྣམས་ཀྱི་སྤྱོད་ཡུལ་མ་ལགས་ལ། སེམས་དང་སེམས་ལས་བྱུང་ལས་རབ་འདས་པ།།
36b3 བསམ་གཏན་ཕ་རོལ་གཤེགས་པས་བསམ་གཏན་མཛད། མགོན་པོ་སེང་གེ་བཞིན་དུ་གསུང་ཡང་སྒྲོག། ཐུབ་པ་འབྲུག་བཞིན་སྒྲོག་པ་རབ་ཏུ་མཛད།། དཔའ་བོ་ཟླ་བ་བཞིན
36b4 དུ་རབ་ཏུ་མཛེས།། སེམས་ཅན་དཀོན་མཆོག་ཁྱོད་ལ་ཕྱག་འཚལ་ལོ།། དེ་ནས་བཅོམ་ལྡན་འདས་ཀྱིས་མི་མཇེད་ཀྱི་བདག་པོ་ཚངས་པས་བསྐུལ་བའི་ཚིགས་སུ་བཅད་པ་འདི
36b5 ལྟ་བུ་འདི་དག་གིས་བསྐལ་པར་ཐུགས་སུ་ཆུད་ནས། ཇི་ལྟར་དཀྱིལ་མོ་དཀྲུང་བཅས་པ་དེ་ཉིད་ཀྱིས་བཞུགས་པར་མཐོང་ངོ་།། མཐོང་ནས་ཀྱང་བཅོམ་ལྡན་འདས་ག་ལ་བ
36b6 དེར་སོང་སྟེ་ཕྱིན་ནས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ།། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། ཕྱོགས་གཅིག་ཏུ་འདུག་གོ།
36b7 ཕྱོགས་གཅིག་ཏུ་འདུག་ནས། མི་མཇེད་ཀྱི་བདག་པོ་ཚངས་པས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། གལ་ཏེ་ཞུས་ན་ཞུ་བ་ལུང་བསྟན་པའི་སླད་དུ
36b8 བཅོམ་ལྡན་འདུག་ལ་སྐབས་དབྱེ་བར་བདགན་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་བདག་ཕྱོགས་བཀའ་ཞིག་གུ་ལ་གསོན།
iiif viewer powered by OpenSeadragon
