| e-texts navigator |
| Wylie |
31a1 བརྒྱ་སྟོང་གི་ཆ་དང་། གྲངས་དང་། དཔེའ་དང་། རྒྱུར་ཡང་མི་བཟོད་དོ།། དེའི་ཚེའི་ཚད་ནི་བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་དགུ་བཅུ་རྩ
31a2 གཉིས་སུ་གྱུར་རོ།། དེའི་དམ་པའི་ཆོས་ནི་བསྐལ་པ་བྱེ་བ་དྲུག་བཅུ་རྩ་གསུམ་དུ་གནས་པར་འགྱུར་རོ།། དེ་སྐད་ཅེས་བཀའ་སྩལ་བ་དང་། བཅོམ་ལྡན་འདས་ལ་བྱང་ཆུབ་སེམས
31a3 དཔའ་པད་མའི་དཔལ་གྱི་སྙིང་པོས་འདི་སྐད་ཅེས་གསོལ་ཏོ།། བཅོམ་ལྡན་འདས་དེའི་འཇིག་རྟེན་གྱི་ཁམས་དེའི་མིང་ཡང་བདེ་བ་ཅན་ཞེས་བྱགྱི་བར་འགྱུར་རམ། བཅོམ་ལྡན
31a4 འདས་ཀྱིས་བཀའ་སྩལ་པ། རིགས་ཀྱི་བུ་དེ་ནི་མ་ཡིན་ཏེ། འཇིག་རྟེན་གྱི་ཁམས་དེ་ནི་རིན་ཆེན་ཀུན་ནས་བསགས་པ་ཞེས་བྱ་བར་འགྱུར་རོ།། རིགས་ཀྱི་བུ་དེ་བཞིན་གཤེགས
31a5 པ་འོད་ཟེར་ཀུན་ནས་འཕགས་པའི་དཔལ་བརྩེགས་རྒྱལ་པོ་དེའི་ཚེ་ཇི་སྲིད་གནས་པ་ནས་བཟུང་སྟེ། ཡོངས་སུ་མྱ་ངན་ལས་འདས་པ་དེ་སྲིད་ཏུ་བྱང་ཆུབ་སེམས་དཔའ་མཐུ
31a6 ཆེན་ཐོབ་མཆོད་པ་བྱེད་པར་འགྱུར་རོ།། ཡོངས་སུ་མྱ་ངན་ལས་འདས་ནས་དེའི་དམ་པའི་ཆོས་འཛིན་པར་འགྱུར་ཏེ། དམ་པའི་ཆོས་ཡུན་རིང་པོར་གནས་པར་བྱ་བའི་ཕྱིར
31a7 སྤྲོ་བར་འགྱུར་རོ།། ཕྱི་མའི་དུས་སུ་དེར་དམ་པའི་ཆོས་ནུབ་ནས་སངས་རྒྱས་ཀྱི་ཞིང་དེར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར
31a8 གྱུར་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ་བདེ་བར་གཤེགས་པ་འཇིག་རྟེན་མཁྱེན་པ་སྐྱེས་བུ་འདུལ་བ
iiif viewer powered by OpenSeadragon
