| e-texts navigator |
| Wylie |
30b1 པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱའོ།། དེ་མངོན་པར་རྫོགས་པར་སངས་རྒྱས་ནས། འོད་ཟེར་ཀུན་ནས་འཕགས་པའི་དཔལ་བརྩེགས་རྒྱལ་པོ་ཞེས་བྱ་བར་འགྱུར་རོ།།
30b2 དེ་བཞིན་གཤེགས་པ་འོད་ཟེར་ཀུན་ནས་འཕགས་པའི་དཔལ་བརྩེགས་རྒྱལ་པོ་དེའི་སངས་རྒྱས་ཀྱི་ཞིང་གི་ཡོན་ཏན་གྱི་བཀོད་པར་གྱུར་པ་གང་ཡིན་པ་དེ་དག་ནི་དེ་བཞིན་གཤེགས་པས
30b3 བསྐལ་པ་གང་གའི་ཀླུང་གི་བྱེ་མ་སྙེད་ཏུ་བསྟན་ཀྱང་མཐའ་རྟོགས་པར་མི་ནུས་སོ།། སངས་རྒྱས་ཀྱི་ཞིང་དེའི་བདེ་བའི་རྒྱུ་དང་། ཡོན་ཏན་གྱི་རྒྱུ་ནི་དེ་སྙེད་ཏུ་འགྱུར་མོད་ཀྱི། འོན་ཀྱང
30b4 རིགས་ཀྱི་བུ་དཔེའ་ཙམ་དུ་ཅུང་ཟད་ཅིག་བཤད་པར་བྱའོ།། བཅོམ་ལྡན་འདས་དེ་བཞིན་གཤེགས་པ་གསེར་འོད་སེང་གེ་རྣམ་པར་རོལ་པའི་རྒྱལ་པོ་དེའི་སངས་རྒྱས་ཀྱི་ཞིང་ན་ཡོན
30b5 ཏན་བཀོད་པ་གང་དག་ཡོད་པ་ཡོན་ཏན་བཀོད་པ་ལྔ་མ་དག་ནི་ཡོན་ཏན་བཀོད་པ་འདི་དག་གི་བརྒྱའི་ཆར་ཡང་མི་མཆོག། སྟོང་གི་ཆ་དང་། གྲངས་དང་། དཔེ་དང་། སྒྱུར་ཡང་མི
30b6 བཟོད་དོ།། སངས་རྒྱས་ཀྱི་ཞིང་དེ་ན་ཉན་ཐོས་དང་། རང་སངས་རྒྱས་རྣམས་ཀྱི་མིང་ཡང་མེད་པར་འགྱུར་ཏེ། སངས་རྒྱས་ཀྱི་ཞིང་དེ་ན་བྱང་ཆུབ་སེམས་དཔའ་འབའ་ཞིག་གིས
30b7 གང་བར་འགྱུར་རོ།། རིགས་ཀྱི་བུ་ད་ལྟར་བཅོམ་ལྡན་འདས་འོད་དཔག་མེད་ཀྱི་ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའ་དེ་དག་ཐམས་ཅད་བསྡུས་ཀྱང
30b8 བཅོམ་ལྡན་འདས་དེ་བཞིན་གཤེགས་པ་འད་བར་ཀུན་ནས་དཔལ་འབྲེགས་རྒྱལ་པོ་དེའི་བྱང་ཆུབ་སེམས་དཔའི་དགེ་འདུན་གྱི་བརྒྱའི་ཆར་ཡང་མི་མཆོག་གེ། སྟེང་གི་ཆེ་དང་།
iiif viewer powered by OpenSeadragon
