| e-texts navigator |
| Wylie |
30a1 ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་དེ་ཡོངས་སུ་མྱ་ངན་ལས་འདས་པར
30a2 འགྱུར་རོ།། དེ་ཡོངས་སུ་མྱ་ངན་ལས་འདས་ནས་བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་བཅུ་རྩ་བཞིའི་བར་དུ་དེའི་དམ་པའི་ཆོས་གནས་ཏེ།། ཇི་ལྟར་བཞུགས་པ
30a3 དེ་བཞིན་དུ་ཡོངས་སུ་མྱ་ངན་ལས་འདས་ནས་ཀྱང་སེམས་ཅན་རྣམས་ཀྱི་དགེ་བའི་རྩ་བ་ཡོངས་སུ་འགྲུབ་སྟེ།། ལྷག་ཆད་མེད་པར་འགྱུར་རོ།། གཞན་དུ་ན་སེམས་ཅན་རྣམས
30a4 དེ་བཞིན་གཤེགས་པ་མཐོང་བ་མེད་པར་ཟད་དོ།། བྱང་ཆུབ་སེམས་དཔའ་དེ་དག་ཀྱང་སངས་རྒྱས་རྗེས་སུ་དྲན་པའི་ཏིང་ངེ་འཛིན་འཐོབ་པར་འགྱུར། དེ་དག་རྟག་ཏུ་རྒྱུན་མི་ཆད་པར
30a5 སངས་རྒྱས་མཐོང་བ་དང་མི་འབྲལ་བར་འགྱུར་རོ།། རིགས་ཀྱི་བུ་དེ་བཞིན་གཤེགས་པ་འོད་དཔག་མེད་ཡོངས་སུ་མྱ་ངན་ལས་འདས་ནས། རིན་ཆེན་སྣ་བདུན་གྱི་པད་མ་དག
30a6 དང་ཤིང་ལྗོན་པ་དག་གིས་དེ་བཞིན་གཤེགས་པ་འོད་དཔག་མེད་དེ་ཇི་ལྟར་ཆོས་སྟོན་པ་དེ་བཞིན་དུ་པད་མ་དག་དང་། ཤིང་ལྗོན་པ་དེ་དག་ལས་ཆོས་ཀྱི་སྒོ་བརྒྱ་ཕྲག་དུ་མ་འབྱུང
30a7 བར་འགྱུར་རོ།། རིགས་ཀྱི་བུ་དེ་བཞིན་གཤེགས་པ་འོད་དཔག་མེད་ཡོངས་སུ་མྱ་ངན་ལས་འདས་ནས། དམ་པའི་ཆོས་ནུབ་མ་ཐག་པའི་མཚན་མོ་སྐྱ་རངས་འཆར་བའི་དུས
30a8 ཀྱི་ཚེ། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་རིན་པོ་ཆེ་དུ་མ་བཀོད་པའི་བྱང་ཆུབ་ཀྱི་ཤིང་དྲུང་ན་འདུག་ནས་བླ་ན་མེད་པ་ཡང་དག་པར་རྫོག
iiif viewer powered by OpenSeadragon
