| e-texts navigator |
| Wylie |
28b1 ཏོ།། པད་མའི་དཔལ་གྱི་སྙིང་པོ་དེའི་ཚེ་དེའི་དུས་ན། ཁྱེའུ་རིན་ཆེན་སེམས་དང་། རིན་ཆེན་མཆོག་ཅེས་བྱ་བ་དེ་གཉིས་གཞན་ཞིག་ཡིན་པ་སྙམ་དུ་འཛིན་ན་དེ་དེ་ལྟར་མི་བལྟའོ།།
28b2 དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་འདི་ནི་ཁྱེའུ་རིན་ཆེན་མཆོག་ཅེས་བྱ་བར་གྱུར་ཏོ།། བྱང་ཆུབ་སེམས་དཔའ
28b3 མཐུ་ཆེན་ཐོབ་འདི་ནི་ཁྱེའུ་རིན་ཆེན་སེམས་ཞེས་བྱ་བར་གྱུར་ཏོ།། རིགས་ཀྱི་བུ་འདི་གཉིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་དང་པོ་སེམས་བསྐྱེད་པ་ནི་དེ་ཡིན།
28b4 ནོ།། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་པད་མའི་དཔལ་གྱི་སྙིང་པོས་འདི་སྐད་ཅེས་གསོལ་ཏོ།།
28b5 བཅོམ་ལྡན་འདས་སྐྱེས་བུ་དམ་པ་དེ་གཉིས་ཇི་ཙམ་དུ་ཟབ་མོ་ལ་མོས་པར་གྱུར་པ་དང་། གང་གི་མིང་ཡང་མ་དམིགས་པ་དེ་སྲིད་དུ། འདི་གཉིས་བྱང་ཆུབ་ཏུ་སེམས
28b6 བསྐྱེད་པར་མ་གྱུར་པར་ངོ་མཚར་ཏོ།། བཅོམ་ལྡན་འདས་སྐྱེས་བུ་དམ་པ་དེ་གཉིས་ཀྱིས་དེ་བཞིན་གཤེགས་པ་དེའི་ཕ་རོལ་ན་སངས་རྒྱས་ཇི་སྙེད་ཅིག་ལ་རིམ་འགྲོར་བགྱིས་པར
28b7 འགྱུར། བཀའ་སྩལ་པ། རིགས་ཀྱི་བུ་གང་གའི་ཀླུང་གི་བྱེ་མ་སྙེད་བགྲང་བས་མཐའ་རྟོགས་པར་ནུས་ཀྱི། སྐྱེས་བུ་དམ་པ་དེ་གཉིས་ཀྱིས་དེ་བཞིན་གཤེགས་པ་དེའི་ཕ་རོལ་ན
28b8 སངས་རྒྱས་དག་ལ་བསྙེན་བཀུར་བྱས་པའི་སངས་རྒྱས་བཅོམ་ལྡན་འདས་དེ་དག་ནི་དེ་ལྟ་མ་ཡིན་ཏེ།། དེ་སྲིད་དུ་འདི་གཉིས་ཀྱིས་བྱང་ཆུབ་ཏུ་སེམས་བསྐྱེད་དོ།། སྐྱེས་བུ་དེ
iiif viewer powered by OpenSeadragon
