| e-texts navigator |
| Wylie |
24b1 དེ་གང་ཡང་མེད་དོ།། དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་རྣམས་ཀྱི་སྦྱིན་པ་ནི་ཚད་མེད། ཚུལ་ཁྲིམས་ནི་ཚད་མེད། བཟོད་པ་ནི་ཚད་མེད། བརྩོན་འགྲུས་ནི་ཚད་མེད། བསམ་གཏན
24b2 ནི་ཚད་མེད། ཤེས་རབ་ནི་ཚད་མེད། འཁོར་བ་ཡོངས་སུ་འཛིན་པ་ནི་ཚད་མེད། སེམས་ཅན་དག་ལ་བྱམས་པ་ནི་ཚད་མེད། ཞིང་གི་བཀོད་པ་དག་ནི་ཚད་མེད། ཉན་ཐོས་དག་ནི
24b3 ཚད་མེད། གཟུགས་ཡོངས་སུ་གྲུབ་པ་དག་ནི་ཚད་མེད། དབྱངས་ནི་ཚད་མེད་པའི་ཕྱིར་རོ།། པད་མའི་དཔལ་གྱི་སྙིང་པོ་བྱང་ཆུབ་སེམས་དཔའ་ནི་ཐ་ན་སེམས་བསྐྱེད་པ་ཅིག་གིས
24b4 དགེ་བའི་རྩ་བ་གང་ཅི་མངོན་པར་འདུ་བྱེད་པ་དེ་དག་ཐམས་ཅད་ཚད་མེད་པའི་ཕྱིར་རོ།། པད་མའི་དཔལ་གྱི་སྙིང་པོ་བྱང་ཆུབ་སེམས་དཔའ་ནི་ཐ་ན་སེམས་བསྐྱེད་པ་ཅིག་གིས་དགེ་བའི་རྩ།
24b5 བ་གང་ཅི་མངོན་པར་འདུ་བྱེད་པ་དེ་དག་ཐམས་ཅད་ཚད་མེད་པ་ཉིད་ཡོངས་སུ་བསྔོའོ།། ཇི་ལྟར་ཡོངས་སུ་བསྔོས་པས་ཚད་མེད་པར་འགྱུར་ཞེ་ན། གང་གི་ཚེ་སེམས་ཅན་ཐམས
24b6 ཅད་ལ་ཡོངས་སུ་བསྔོ་བ་ཚད་མེད་པ་དེའི་ཚེ། སེམས་ཅན་འདི་དག་ཐམས་ཅད་སྐྱེ་བ་མེད་པར་མངོན་སུམ་དུ་བྱེད། སངས་རྒྱས་ཀྱི་ཡོངས་སུ་མྱ་ངན་ལས་འདའ་བར་གྱུར་པ།
24b7 འདི་རིགས་ཀྱི་བུ་ཡོངས་སུ་བསྔོ་བ་ཞེས་ཚད་མེད་དོ།། སྟོང་པ་ཉིད་ཚད་མེད་པའོ།། མཚན་མ་མེད་པ་ཚད་མེད་པའོ།། སྨོན་པ་མེད་པ་ཚད་མེད་པའོ།། མངོན་པར་འདུ་བྱ་བ
24b8 མེད་པ་ཚད་མེད་པའོ།། དེ་ལྟར་ན་འདོད་ཆགས་དང་བྲལ་བ་ཡང་དག་པའི་མཐའ། ཆོས་ཀྱི་དབྱིངས་རྣམ་པར་གྲོལ་བ། མ་སྐྱེས་པ། དབེན་པ། བྲལ་བ། མྱ་ངན་ལས
iiif viewer powered by OpenSeadragon
