| e-texts navigator |
| Wylie |
17a1 སེམས་དཔའ་དེ་གཉིས་ཀྱིས་དེའི་ཚེ། ཇི་ལྟ་བུའི་རྫུ་འཕྲུལ་མངོན་པར་འདུ་བྱ་བ་མངོན་པར་བྱས་པས། འཇིག་རྟེན་གྱི་ཁམས་མི་འཇེད་འདི
17a2 ལག་ཟིལ་དུ་མཉམ་པར་གྱུར་པ་དེ་ལྟ་བུའི་རྫུ་འཕྲུལ་མངོན་པར་འདུ་བྱས་སོ།། བྱང་ཆུབ་སེམས་དཔའ་དེ་དག་ཀྱང་ཁང་པ་བརྩེགས་པ་བྱེ་བ་ཕྲག་བརྒྱ་བཅུ་རྩ་བཞིས་ཡོངས་སུ
17a3 བསྐོར་ཏེ།། མདུན་དུ་བདར་ནས་ཡོན་ཏན་གྱི་བཀོད་པ་ཆེན་པོ་དང་ལྡན་པས། ཤིན་དུ་ལྷག་གེའོ།། ཁང་པ་བརྩེགས་པ་དེ་དག་གི་འོད་ཀྱིས་ཀྱང་སྟོང་གསུམ་གྱི་སྟོང་ཆེན་པོའི
17a4 འཇིག་རྟེན་གྱི་ཁམས་འདི་སྣང་བས་ཁྱབ་པར་གྱུར་ཏོ།། དེ་ནས་བྱང་ཆུབ་སེམས་དཔའ་དེ་གཉིས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར
17a5 རྫོགས་པའི་སངས་རྒྱས་ཤཱཀྱ་ཐུབ་པ་ག་ལ་བ་དེར་དོང་སྟེ་ཕྱིན་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་ཞབས་ལ་མགོ
17a6 བོས་ཕྱག་འཚལ་ནས་ལན་གསུམ་སྐོར་བ་བྱས་ཏེ་འཁོད་དོ།། ཕྱོགས་ཅིག་ཏུ་ཁོད་ནས། སྐྱེས་བུ་དམ་པ་དེ་གཉིས་ཚིག་འཐུན་པར་སྒྲ་དབྱངས་གཅིག་ཏུ་བཅོམ་ལྡན
17a7 འདས་ལ་ཚིགས་སུ་བཅད་པ་འདི་དག་གིས་མངོན་པར་བསྟོད་དོ།། གཟི་བརྗིད་ཚུངས་མེད་ཡོན་ཏན་ཕུང་པོ་གཅིག་ལ་ཕྱག་འཚལ་ལོ།། དྲང་སྲོང་ཆེན་པོ་ཀུན་མཁྱེན
17a8 ཡོན་ཏན་ཀུན་གྱི་ཕ་རོལ་གཤེགས།། ཐམས་ཅད་ཟིལ་ནོན་སྲིད་པ་གསུམ་གྱི་ཆགས་པའི་ལམ་ལས་འདས། ཤཱཀྱ་ཁྱུ་མཆོག་དྲི་བྲལ་ཟླ་བའི་ཞལ་ལ་ཕྱག་འཚལ་ལོ།།
iiif viewer powered by OpenSeadragon
