| e-texts navigator |
| Wylie |
8b1 མགར་བ་ཡི་ནི་ལྕགས་བཞིན་དུ།། བློ་གྲོས་ལྡན་པས་རིམ་པ་བཞིན།། སྐད་ཅིག་སྐད་ཅིག་ཅུང་ཟད་ཙམ།། རང་གི་དྲི་མ་བསལ་བར་བྱ།། ལྷ་མཁན་གྱི་ནི་ཀོ་བ་དང་།
8b2 ཡོངས་སུ་སྦྱངས་ནས་ལྷམ་བྱེད་ལྟར།། འདོད་པ་གང་དང་གང་སྤངས་པ།། དེ་དེ་བདེ་བ་ཕུན་སུམ་ལྡན།། གལ་ཏེ་བདེ་བ་ཀུན་འདོད་ན།། འདོད་པ་ཐམས་ཅད་ཡོངས་སུ་སྤོངས།། །
8b3 འདོད་པ་ཐམས་ཅད་ཡོངས་སྤངས་པ།། མཆོག་དུ་བདེ་བ་ཐོབ་པར་འགྱུར།། ཇི་སྲིད་འདོད་པའི་རྗེས་འབྲང་བ།། དེ་སྲིད་བར་དུ་ངོམས་མི་འགྱུར།། དེ་ལས་གང་དག་ཤེས
8b4 རབ་ཀྱི།། ལྡོག་བྱེད་དེ་དག་ཚིམ་པ་ཐོབ།། འདོད་པས་ངོམས་པར་མི་འགྱུར་ལྟར།། ཤེས་རབ་ཀྱི་ནི་ངོམ་པ་སྐྱེད།། ཤེས་རབ་ཀྱི་ནི་ངོམ་པའི་མི།། སྲེད་པའི་དབང་དུ
8b5 མི་འགྱུར་རོ།། འདོད་ལ་ཆགས་པའི་མི་གང་ཡིན།། དེ་དག་ཀྱེ་མ་ཆོས་མིན་དགའ།། ཅུང་ཟད་གསོན་པར་འདུག་པ་ན།། བར་ཆད་མཐོང་བར་མི་འགྱུར་རོ།། བློ་ངན་ལོང་།
8b6 སྤྱོད་ཀྱིས་བཅོམ་པས།། ཕ་རོལ་ཚོལ་བར་མི་བྱེད་ཅིང་།། བསམ་རླག་འདོད་ལ་སྲེད་པ་ཡིན།། བདག་དང་གཞན་ཡང་ཕུང་བར་བྱེད།། ཀར་ཤ་པ་ནའི་ཆར་བབ་ཀྱང་།།
8b7 འདོད་པ་དག་གིས་ངོས་མི་འགྱུར།། འདོད་པ་མནོག་ཆུང་ཉེས་མང་བར།། མཁས་པ་རྣམས་ཀྱི་ཁོང་དུ་ཆུད།། ལྷའི་འདོད་པ་རྣམས་ལ་ཡང་།། ལྷག་པར་དགེའ་བར
8b8 མི་འགྱུར་གྱི།། རྫོགས་སངས་རྒྱས་དང་ཉན་ཐོས་རྣམས།། སྲེད་པ་ཟད་པས་དགེས་པར་འགྱུར།། གང་ཅན་དང་ནི་མཉམ་པ་ཡི།། གསེར་གྱི་རི་བོ་ཡོད་ཀྱང་ནི།། ནོར
iiif viewer powered by OpenSeadragon
