| e-texts navigator |
| Wylie |
7a1 དགའ་བ་ཁྱོད་ནི་བླུན་ཞིང་ངན།། ཁྱོད་ནི་མི་རིགས་བྱེད་པ་སྟེ།། ཡིད་དུ་འོང་བའི་གཟུགས་འདི་ཡང་། ཁྱོད་ཀྱི་མངོན་པར
7a2 བཅོམ་པར་འགྱུར།། གང་ཞིག་ལོ་ནི་བརྒྱར་འཚེ་བ།། དེ་ཡང་འཆི་བདག་ཉིད་ཀྱིས་ཁྲིད།། འདི་དག་རྒ་བར་འགྱུར་བ་འམ།། ཡང་ན་ན་བ་འམ་འཆི
7a3 བས་འཇོམས།། རྟག་དུ་ལྡོག་པ་མེད་པར་འགྲོ་ཞིང་།། ཉིན་དང་མཚན་དུ་རབ་ཏུ་འཇིག་པ་དང་།། སྐྱེ་དང་འཆི་བའི་སྡུག་བསྔལ་དང་ལྡན་པ། ཆུ་ཚན
7a4 ནང་དུ་འདས་པའི་ཉ་དང་འདྲ།། ཚེ་འདི་ཉིན་དང་མཚན་མོ་དང་།། འགྲོ་བ་དང་ནི་འདུག་པ་ན།། ཆུ་ཀླུང་ཆེན་པོའི་རྒྱུན་བཞིན་དུ།། ཕྱིར་མི་ལྡོག་པར་འགྲོ
7a5 བར་འགྱུར། ཆུ་ཆུང་ནང་གི་ཉ་ལྟ་བུར།། གང་ཞིག་ཉི་མཚན་འདའ་བ་ཡི།། ཚེ་ན་ཤིན་དུ་ཐུང་གྱུར་ན།། དེ་ལ་དགའ་བར་བྱ་ཅི་ཡོད།། གསོན་མཐའ
7a6 འཆི་བ་ཡིན་པའི་ཕྱིར།། ལུས་འདི་ཡོངས་སུ་དགའ་བ་དང་།། ནད་ཀྱི་ཚང་འདི་མྱུར་འཇིག་ཅིང་།། རྣག་གི་ཚོགས་ཀྱང་འཇིག་པར་འགྱུར།། ཀྱེ་མ་ལུས
7a7 འདི་མི་ཐོགས་པར།། སྟོང་ཞིང་རྣམ་ཤེས་དང་བྲལ་ནས།། དུར་ཁྲོད་བོར་བའི་འགལ་དུམ་ལྟར།། སའི་སྟེང་དུ་འགྱེལ་བར་འགྱུར།། རྒྱུན་དུ་ནད་ཀྱི
iiif viewer powered by OpenSeadragon
