| e-texts navigator |
| Wylie |
63a1 ལྔ་པའོ།། མྱ་ངན་འདས་དང་མཐོང་བ་དང་། སྡིག་དང་ཕྲུག་དང་བ་དང་། སེམས་དང་དགེ་སློང་ཚོམས་ངག་དང་། བྲམ་ཟེ་ཡང་ནི
63a2 ཐ་མ་ཡིན། ཆེད་དུ་བརྗོད་པའི་ཚོམས། དགྲ་བཅོམ་པ་ཆོས་སྐྱོབ་ཀྱིས་བསྡུས་པ་རྫོགས་སྷོ།། །། རྒྱ་གར་གྱི་མཁན་པོ་བྱི་རྱ་པྲ་མ་ཀ་ར་དང་། ལོ་ཙྪ་བ་བན་དེ་རིན
63a3 ཆེན་མཆོག་གིས་བསྒྱུར།། ཞུ་ཆེན་གྱི་ལོ་ཙཱ་བ་བན་དེ་དཔལ་རྩེགས་ཀྱིས་ནས་གཏན་ལ་ཕབ་པ།། ཤོ་ལོ་ཀ་ནི་སྟོང་ལྔ་བཅུ་ཡོད།
63a4 ། རྒྱ་གར་སྐད་དུ།། སཱུ་ཏྲ་ས་མུད་ཙ་ཡ། བོད་སྐད་དུ། མདོ་ཀུན་ལས་བསྡུས་པ།། ། བམ་པོ་དང་པོའོ།། སངས་རྒྱས་དང་བྱང་ཆུབ་སེམས
63a5 དཔའ་ཐམས་ཅད་ལ་ཕྱག་འཚལ་ལོ།། སངས་རྒྱས་འབྱུང་བ་ཤིན་དུ་རྙེད་པར་དཀའ་སྟེ། སངས་རྒྱས་འབྱུང་བ་དེ་ཤིན་དུ་རྙེད་པར་དཀའ་བར་ཅི་མངོན་ཞེ་ན། མདོ་སྡེ་དུ་མ་ཚད་མར
63a6 གྱུར་པ་ལས་ཏེ།། དམ་པའི་ཆོས་པད་མ་དཀར་པོ་ལས་འབྱུང་བ།། དགེ་སློང་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་འབྱུང་བ
63a7 རྙེད་པར་དཀའ་སྟེ།། བསྐལ་པ་བྱེ་བ་ཕྲག་ཁྲིག་བརྒྱ་སྟོང་ཕྲག་མང་པོར་ཡང་། འཇིག་རྟེན་དུ་དེ་བཞིན་གཤེགས་པ་མཐོང་ཡང་སྲིད། མི་མཐོང་ཡང་སྲིད་དེ།། དཔེར་ན
63a8 ཨུ་དུམ་པར་རིའི་མེ་ཏོག་བཞིན་ནོ།། ཞེས་གསུངས་སོ།། རྣམ་པར་གཏན་ལ་དབབ་པའི་རྒྱལ་པོའི་མདོ་ལས་བྱུང་། ཀུན་དགའ་བོ་འདི་ལྟ་སྟེ་ཨུ་དུམ་པ་རིའི་མེ་ཏོག་ནི་སངས།
iiif viewer powered by OpenSeadragon
