| e-texts navigator |
| Wylie |
439a1 མེད་ཆོས་ཀྱི་རྣམས།། མགོན་པོ་མཐའ་ཡས་གྲགས་མངས་བཤད་དུ་གསོལ།། འཁོར་འདི་འདི་འདྲ་དམ་པ་མཆོག་ལགས་ཏེ།། ཞི་བ།།
439a2 རྟོག་ཞི་རྟག་ཏུ་ཉེ་བར་ཞི།། ལྟ་བའི་རྣམ་པ་ཇི་ལྟར་བྱང་ཆུབ་ལགས།། ཁྲོ་དང་ཕྲག་དོག་ང་རྒྱལ་བྲལ་བ་དང་།། འདོད་ཆགས་དངོས་བྲལ་ཇི་ལྟར་བྱང་ཆུབ་ལགས།། མགོན
439a3 པོ་མཐའ་ཡས་གྲགས་མངས་བཤད་དུ་གསོལ།། སྐྱོན་བྲལ་ཐར་པ་གང་ལ་མ་མཆིས་པའི།། འདུ་བྱེད་ཁམས་ཀྱང་ཇི་ལྟར་བྱང་ཆུབ་ལགས།། ཇི་ལྟར་ཆོས་རྣམས་གཉིས
439a4 སུ་མ་མཆིས་པ།། རྒྱལ་བ་ཐུགས་རྗེ་མངའ་བས་བཤད་དུ་གསོལ།། ཆོས་རྣམས་ཤིན་ཏུ་རྣམ་པར་གྲོལ་འགྱུར་ཅིང་།། མྱ་ངན་འདས་དང་གྲོལ་མཉམ་ཇི་ལྟར་ལགས།
439a5 ཆགས་པ་མ་ཆགས་ནམ་མཁའི་ཚུལ་འདྲ་ཞིང་།། འཆིང་བར་མི་འགྱུར་གང་ལགས་མགོན་པོས་གསུངས།། ཀ་ལ་པིང་ཀ་ཚངས་པ་ལྷའི་གསུང་།། འོད་ལ་དྲི་མེད་གསེར་གྱི་མདོག
439a6 མངའ་བ།། ཡིད་འོང་འོད་གསལ་ཡོན་ཏན་མཆོག་མངའ་བས།། ཆོས་ཉིད་རྟག་པར་ཚུལ་གཅིག་བཀའ་སྩལ་གསོལ།། སྒྲིབ་པ་ཇི་ལྟར་བྱང་ཆུབ་མཉམ་པ་ལགས།། བྱང་ཆུབ
439a7 རང་བཞིན་ཇི་ལྟར་ཆོས་རྣམས་ལགས།། ཆོས་དང་ཆོས་མིན་ཇི་ལྟར་འདྲ་བ་ལགས།། དེ་གཉིས་ཇི་ལྟར་ནམ་མཁའ་མཚུངས་པ་ལགས།། ཆོས་རྣམས་གྲངས་དང་བགྲང་བ་མ
439a8 མཆིས་ཤིང་།། ཞིང་དང་མཉམ་པར་དེ་དག་ཇི་ལྟར་འགྱུར།། སྐྱོན་བྲལ་བྱང་ཆུབ་དེ་ལ་མ་མཆིས་ཤིང་།། དེ་ལ་ཀུན་མཁྱེན་མ་མཆིས་ཇི་ལྟར་ལགས།། བགྱི་དང་བགྱིད་དང་བགྱི་བའི
iiif viewer powered by OpenSeadragon
