| e-texts navigator |
| Wylie |
361b1 རྒྱ་གར་སྐད་དུ། པུན་བྱེ་བ་ལ་ཨ་བ་དན། བོད་སྐད་དུ། བསོད་ནམས་སྟོབས་ཀྱི་རྟོགས་པ་བརྗོད་པ། དཀོན་མཆོག
361b2 གསུམ་ལ་ཕྱག་འཚལ་ལོ།། འདི་སྐད་བདག་གི་ཐོས་པའི་དུས་གཅིག་ན། བཅོམ་ལྡན་འདས་མཉན་དུ་ཡོད་པ་ན། རྒྱལ་བུ་རྒྱལ་བྱེད་ཀྱི་འཚལ་མགོན་མེད
361b3 ཟས་སྦྱིན་གྱི་ཀུན་དགའ་ར་བ་ན་ཞུགས་སོ།། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་འདི་ན་མི་བླུན་པོ་ལ་ལ་དམ
361b4 པའི་ཚེས་མ་ཡིན་པ་གསུམ་དང་ལྡན་ན། སྦྱིན་པ་དག་མི་སྦྱིན་ཞིང་བསོད་ནམས་དག་མི་བྱེད་ལ། ཚུལ་ཁྲིམས་ཡང་དག་པར་སྤངས་ནས་གནས་པར་མི་བྱེད་དེ
361b5 གསུམ་གང་ཞེ་ན། འདི་ལྟར་ཆགས་པ་དང་། སེར་སྣ་དང་བག་མེད་པ་རྣམས་ནི། དགེ་སློང་འདི་ནི་མི་བླུན་པོ་ལ་ལ་དམ་པའི་ཆོས་མ་ཡིན
361b6 གསུམ་པོ་འདི་དག་དང་ལྡན་པས།། སྦྱིན་པ་དག་མ་བྱིན་ཞིང་བསོད་ནམས་དག་མ་བྱས་ཚུལ་ཁྲིམས་ཡང་དག་པར་སྤངས་ཏེ། གནས་པར་མི་བྱེད
361b7 པས་ལུས་ཞིག་སྟེ། ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་དང་། སེཾས་དམྱལ་བ་རྣམསུ་སྐྱེ་བར་འགྱུརརོ།། དགེ་སློང་དག་སྐྱེས་བུ་དམ་པ་ཆོས
361b8 གསུམ་དང་ལྡན་པ་ནི་སྦྱིན་བདག་སྦྱིན་ཞིང་བསོད་ནམས་དག་བྱེད་ལ། ཚུལ་ཁྲིམས་ཡང་དག་པར་བླངས་ཏེ་གནས་སོ། གསུམ་པ་གང་ཤེ་ན་འདི་ས
iiif viewer powered by OpenSeadragon
