| e-texts navigator |
| Wylie |
359a1 སྐད་ཅེས་བཀའ་སྩལ་པ། བཅོམ་ལྡན་འདས་ལ་ཚེ་དང་ལྡན་པ་ཤ་རིའི་བུས་འདི་སྐད་ཅེས་གསོལ་ཏོ།། བཅོམ་ལྡན་འདས་མ་དེ་ནི་ལྟ་བར་དགའ
359a2 སྟེ། དེ་ལ་བསྔགས་པར་ག་ལ་བགྱིད། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཤ་རིའི་བུ་ལ་འདི་སྐད་ཅེས་བཀའ་སྩལ་ཏོ། ཤ་རིའི་བུ་ཁྱི
359a3 རོ་དེ་ལ་མ་ཁྱུད་པར་བྱེད་པ་འམ། སྐྱོད་པར་བྱེད་པའམ། མངོན་པར་དགའ་བའི་མ་དེ་ལ་ནི། དེ་བཞིན་གཤེགས་པ་བསྔགས་པར་མཛད་ཀྱི་གང་ཞིག་བུད་མེད་ཡུལ་གྱི་བཟང་མོ་ན
359a4 ཚོང་ལོ་བཅུ་དྲུག་དུ་མ་ལོན་པ་འམ།། ལྷག་པ་ལྟ་བུ་གཟུགས་བཟང་བ། མཛེས་པ། བལྟ་ན་སྡུད་པ། ནུབ་མ་རྒྱས་པས་མཛེས་པ། རྒྱན་གྱིས་བརྒྱན་པ། ཤིན་ཏུ་བཞོན་པ།
359a5 རེག་ན་བདེ་བ། ནང་དང་བྲལ་བ་དེ་ལ་ཐ་ན་རྐང་པའི་འཐེ་བོས་རེག་པར་བྱེད་པའི་མ། དེ་ལ་དེ་བཞིན་གཤེགས་པ་བསྔགས་པ་མི་མཛད་དེ། ཤ་རིའི་བུ་ཡུལ་གྱི་བཟང་མོ་དེ་ལ་ཐན
359a6 རྐང་པའི་ཐེ་བོས་རེག་བྱེད་པའི་མ་གང་ཟག་དེ་ལྟ་བུ་དེ་ནི་ཤིན་ཏུ་སྨད་པར་བྱ་བ་ཡིན་ཏེ། ཁྱི་རོ་དེ་ལ་འཁྱུད་པར་བྱེད་པ་འམ། བསྐྱོད་པར་བྱེད་པ་འམ། མངོན་པར་དགའ་བར
359a7 བྱེད་པ་དེ་ནི། དེ་ལྟ་བུ་མ་ཡིན་ནོ།། ཤ་རིའི་བུ་འདི་ཇི་སྙམ་དུ་སེམས་ཁྱི་རོ་ལ་མཁྱུད་པའམ། རེག་པས་སེམས་ཅན་དམྱལ་བར་འགྲོ་བར་འགྱུར་མ། གསོལ་པ། བཅོམ་ལྡན་འདས
359a8 དེ་ནི་མ་ལགས་སོ།། བཀའ་སྩལ་པ། ཤ་རིའི་བུ་དེ་ལྟར་དགེ་སློང་གི་འདོད་པ་རྣམས་ལ་ཉེས་དམིགས་ཀྱི་འདུ་ཤེས་བསྐྱེད་པར་བྱའོ།། ཤ་རིའི་བུ་ཇི་ལྟར་ན། དགེ་སློང་གིས
iiif viewer powered by OpenSeadragon
