| e-texts navigator |
| Wylie |
358a1 ཤ་རིའི་བུ་འདོད་པ་ཡོངས་སུ་སྤྱོད་པ་དག་ལས་ཡིང་འབྱུང་བར་བྱའོ།། ཤ་རིའི་བུ་ཀུན་ནས་ཉོན་མོངས་པ་ནི་རང་གི་བྱས་པའོ།། ཤ་རིའི་བུ་རྣམ་པར་བྱང་བ།
358a2 དང་རྣམ་པར་ཞི་གང་ཞེ་ན། ཤཱ་རིའི་བུ་རྣམ་པར་བྱང་པ་དང་། རྣམ་པར་ཞི་བ་ནི་རང་གིས་བྱས་སོ།། ཤ་རིའི་བུ་ཀུན་ནས་ཉོན་མོངས་པ་ནི་གང་། རང་གིས་བྱས་པ་ནི་གང་ཞེ་ན། ཆོས་སུ
358a3 འདུ་ཤེས་པ་ལ་མངོན་པར་ཞེན་པ་གང་ཡིན་པའོ།། ཆོས་སུ་འདུ་ཤེས་པ་ལ་མངོན་པར་ཞེན་པ་གང་ཞེ་ན། འདི་ལྟ་སྟེ་སྐྱེ་བར་འདུས་ཤེས་པ་དང་། འགག་པར་འདུ་ཤེས་པ་དང་། བདག
358a4 ཡོད་པ་མེད་པར་བདག་ཏུ་འདུ་ཤེས་པ་ལ་མངོན་པར་ཞེན་པ་ཡོད་དེ། དེ་ནི་དེ་བཞིན་གཤེགས་པས་ཆོས་ཀྱི་ཕུང་པོ་ཞེས་བཀའ་སྩལ་པ། ཤ་རིའི་བུ་བྱིས་པ་སོ་སོའི་སྐྱེ་བོ་རྣམས་ནི་ལོང
358a5 བ་ཡིན་ཏེ། གཟུགས་ཀྱི་ཕུང་པོ་ཞེས་རློམ་སེམས་སུ་བྱེད། ཚོར་བ་དང་འདུ་ཤེས་དང་འདུ་བྱེད་དང་རྣམ་པར་ཤེས་པའི་ཕུང་པོའོ།། ཞེས་རློམ་སེམས་སུ་བྱེད་དོ།། རློམ་སེམས་སུ་བྱེད་ན
358a6 འཆིང་ངོ་།། རློམ་སེམས་སུ་མ་བྱེད་ན་གྲོལ་ལོ།། ཤ་རིའི་བུ་རློམ་སེམས་སུ་བྱེད་ན་གང་ཡིན་པ་དེ་ནི་གཟུགས་ཀྱི་ཕུང་པོར་འགྱུར་རོ།། ཤཱ་རིའི་བུ་ནུ་པོ་འདི་དག་ནི་ཚུལ་ཁྲིམས་འཆལ་བ
358a7 ཚུལ་ཁྲིམས་ཀྱི་ཉེས་པ་ཡིན་ཏེ། བཅུ་གང་ཞེ་ན། ཚུལ་ཁྲིམས་འཆལ་པ་ནི་འཆི་བའི་དུས་ཀྱིས་ཚེ་གདུངས་པར་འགྱུར་བ་དང་། དགེ་སློང་ཚུལ་ཁྲིམས་ཉམས་པར་འགྱུར་བ་དང་།
358a8 མནར་མེད་པར་འགྲོའོ།། ཞེས་འཁོར་གྱི་ནང་ན་འདུག་ན་སྐྲག་པ་དང་། བདག་ཉིད་ཚུལ་ཁྲིམས་ལ་སྐུར་པ་འདེབས་དང་། བདག་ནི་སངས་རྒྱས་རྣམས་ནི་ཡོངས་སུ་སྤང་བ་དང་། བདག
358a9 ནི་ཉན་ཐོས་རྣམས་ཀྱིས་ཡོངས་སུ་སྤངས་པ་དང་། བདག་ནི་ལྷ་རྣམས་ཀྱིས་ཡོངསུ་སྤངས་པའོ།། སྙམ་པ་དང་། འཆི་བའི་ཚེ་འཇིགས་པ་དང་བཅས་པ་དང་། ངན་འགྲོ་འགྲོ་བ
iiif viewer powered by OpenSeadragon
