| e-texts navigator |
| Wylie |
239b1 མ་བྱིན་པར་ལེན་པའི་ཉེས་དམིགས་བཅུ་ནི་དེ་དག་ཡིན་པར་རིག་པར་བྱའོ།། དགའ་བ་ཅན་འདོད་པས་ལོག་པར་གཡེམ་པའི་ཉེས་དམིགས་བཅུ་ནི་འདི་དག་ཡིན་པར་རིག་པར་བྱའོ།། །
239b2 བཅུ་གང་ཞེ་ན། གང་དག་གི་ཆུང་མ་ཁ་དྲངས་པས་དེ་དག་དང་། དེ་ཁོ་ན་དང་བཅས་པར་འགྱུར་བ་དང་། ཆུང་མ་དང་བརྩོད་པར་འགྱུར་བ་དང་། དེ་མི་དགེ་བའི་ཆོས་མངོན་པར་འཕེལ
239b3 བ་དང་། དེའི་དགེ་བའི་ཆོས་ཡོངས་སུ་འགྲིབ་པ་དང་། དེ་བདག་ཉིད་མ་ཞི་བར་འགྱུར་བ་དང་། དེའི་བུ་དང་ཆུང་མ་མ་སྲུངས་པར་འགྱུར་བ་དང་། དེའི་ནོར་མ་སྦས་མ་བསྲུངས
239b4 པར་འགྱུར་བ་དང་། དེའི་ཁྱིམ་མ་སྦས་མ་བསྲུངས་པར་འགྱུར་བ་དང་། དེའི་སྲོག་མ་སྦས་མ་བསྲུངས་པར་འགྱུར་བ་དང་། དེའི་འཛའ་བཤེས་དང་། ཉེ་ད་དང་། སྣག་གི
239b5 གཉེན་མཚམས་དང་། བློན་པོ་དག་ཡིད་ཕེབས་པར་མི་འགྱུར་བ་དང་། འགྲན་ཟླ་དང་བཅས་པར་མི་འགྱུར་བའི་ལས་བྱས་ཤིང་བསྩགས་པའི་ལུས་ཞིག་སྟེ། ཤི་ནས་ངན་སོང
239b6 ངན་འགྲོ་ལོག་པར་ལྟུང་བ། སེམས་ཅན་དམྱལ་བ་དག་ཏུ་སྐྱེ་ཞིང་གལ་ཏེ་དེ་ནས་ཤི་འཕོས་ཏེ། འདིར་མི་རྣམས་དང་བསྐལ་པར་མཉམ་པར་སྐྱེས་ནས། གལ་ཏེ་དེ་བུད་མེད་དུ
239b7 གྱུར་ན། འབྲན་ཟླ་དང་བཅས་པའི་ཁྱོ་རྙེད་པར་མི་འགྱུར་རོ།། ཅི་སྟེ་སྐྱེས་པར་གྱུར་ན། དེའི་བུ་དང་། ཆུང་མ་མ་བསྲུངས་པར་འགྱུར་ཏེ། དགའ་བ་ཅན་འདོད་པས་ལོག
239b8 བར་གཡེམ་པའི་ཉེས་དམིགས་བཅུ་ནི་དེ་དག་ཡིན་པར་རིག་པར་བྱའོ།། དགའ་བ་ཅན་རྫུན་སྨྲ་བའི་ཉེས་དམིགས་བཅུ་ནི་འདི་དག་ཡིན་པར་རིག་པར་བྱའོ།། བཅུ་པོ་གང་ཞེ་ན།
iiif viewer powered by OpenSeadragon
