| e-texts navigator |
| Wylie |
238b1 པར་སྨིན་པ་ཇི་ལྟ་བུར་འགྱུར། དེ་སྐད་ཅེས་གསོལ་བ་དང་། བཅོམ་ལྡན་འདས་ཀྱིས་དགེ་བསྙེན་དགའ་བ་ཅན་ལ་འདི་སྐད་ཅེས་བཀའ་སྩལ་ཏོ།། དགའ་བ་ཅན་ཁྱོད་དེ་བཞིན་གཤེགས
238b2 བ་ལ་དོན་འདི་ཡོངས་སུ་ཞི་བར་སེམས་པ་གང་ཡིན་པ་དེ་ནི་ལེགས་སོ་ལེགས་སོ།། ཁྱོད་ཀྱི་བློ་རྒྱ་ཆེ་སྟེ། སྤྲོད་པ་བཟང་པོ།། སྤོབས་པ་དགེའོ།། དགའ་ཅན་དེའི་ཕྱིར་ཉེས་དམིགས
238b3 བཅུ་ཞེས་བྱ་བའི་ཆོས་ཀྱི་རྣམ་གྲངས་བཤད་པར་བྱ་ཡིས། ལེགས་པར་རབ་ཏུ་ཡིད་ལ་ཟུང་ཤིག་དང་ངས་ཁྱོད་ལ་བཤད་པར་བྱའོ།། བཅོམ་ལྡན་འདས་ལེགས་སོ་ཞེས་གསོལ་ནས།
238b4 དགེ་བསྙེན་དགའ་བ་ཅན་བཅོམ་ལྡན་འདས་ལ་ཉན་པ་དང་། བཅོམ་ལྡན་འདས་ཀྱིས་དགེ་བསྙེན་དགའ་བ་ཅན་ལ་འདི་སྐད་ཅེས་བཀའ་སྩལ་ཏོ།། དགའ་བ་ཅན་སྲོག་བཅོད་པའི་ཉེས
238b5 དམིགས་བཅུ་ནི་འདི་དག་ཡིན་པར་རིག་པར་བྱ་སྟེ། བཅུ་གང་ཞེ་ན། འདི་ལྟ་སྟེ། ཚེ་འདི་ལ་ཁོ་ན་སྐྱེད་པ་དང་། སྐྱེ་བ་གཞན་རྣམས་སུ་ཡང་ཁོ་ན་དང་རྗེས་སུ་འབྲེལ་བར་འགྱུར་བ
238b6 དང་། སྐྱེ་བ་མང་པོ་དག་གིས་ཡིད་མི་བརྟེན་པར་འགྱུར་བ་དང་། སྡིག་པའི་རྨི་ལམ་མཐོང་བ་དང་། བདག་ཀྱང་འཇིགས་པ་སྐྱེ་ཞིང་སེམས་ཅན་རྣམས་ཀྱང་དེ་ལ་འཇིགས་པ་སྐྱེ་བ་དང་།
238b7 བདེ་བར་ཉལ་ཡང་སྡུག་བསྔལ་བར་སད་པ་དང་། སྡིག་པ་རྣམ་པར་སེམས་པ་དང་། རྨོངས་པ་དང་བཅས་པར་འཆི་བའི་དུས་བྱེད་པ་དང་། ཚེ་ཐུང་བར་འགྱུར་བའི་ལས་བྱས་ཤིང
238b8 བསྩགས་པས་ལུས་ཞིག་སྟེ། ཤི་ནས་ཀྱང་ངན་སོང་ངན་འགྲོ་བླར་ལྟུང་བ་སེམས་ཅན་དམྱལ་བ་དག་ཏུ་སྐྱེ་ཞིང་། གལ་ཏེ་འདི་ནས་ཤི་འཕོས་ཏེ་འདིར་མི་རྣམས་དང་བསྐལ
iiif viewer powered by OpenSeadragon
