| e-texts navigator |
| Wylie |
235b1 པར་འགྱུར་རོ།། ས་ལི་སྟན་སྦྱིན་པ་བྱིན་ན། རྣམ་པར་སྨིན་པ་ཚངས་པའི་སྒྲ་དབྱངས་ལྟ་བུ་རབ་ཏུ་འཐོབ་པར་འགྱུར་རོ།། མར་མེ་སྦྱིན་པ་བྱིན་ན། རྣམ་པར་སྨིན་པ་ལྷའི་མིག
235b2 སྒྲིབ་པ་མེད་ཅིང་རྣམ་པར་དག་པ་རབ་ཏུ་འཐོབ་པར་འགྱུར་རོ།། དར་སྦྱིན་པ་བྱིན་ན། རྣམ་པར་སྨིན་པ་ལྷ་དང་མིའི་ནང་ན་རྣམ་པར་གྲོལ་བའི་དར་གྱིས་བཅིངས་པ་རབ་ཏུ་འཐོབ་པར་འགྱུརརོ།།
235b3 དེ་བཞིན་གཤེགས་པའི་མཆོད་རྟེན་ནམ། དེ་བཞིན་གཤེགས་པའི་སྐུ་གཟུགས་ལ་འབྲུ་མར་དྲི་ཞིམ་པོ་ཕུལ་བས། སྤོས་ཀྱི་ཁྲུས་ཆུ་དབུལ་བ་ཕུལ་ན། རྣམ་པར་སྨིན་པ་སྐྱེས་བུ
235b4 ཆེན་པོའི་མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུ་རབ་ཏུ་འཐོབ་པར་འགྱུར་རོ།། ཁྲུས་ཀྱི་ཡོ་བྱད་སྦྱིན་པ་བྱིན་ན། རྣམ་པར་སྨིན་པ་སྐྱེ་བ་ཐམས་ཅད་དུ་ནད་ཉུང
235b5 བ་དང་རིགས་ཀྱི་མཆོག་ཏུ་སྐྱེ་ཞིང་། ཀུན་ཏུ་མཛེས་པ་རབ་ཏུ་འཐོབ་པར་འགྱུར་རོ།། སྙིང་པོ་ལྔ་སྦྱིན་པ་བྱིན་ན། རྣམ་པར་སྨིན་པ་སྐྱེ་བ་ཐམས་ཅད་དུ་མཐུ་ཆེ་ཞིང་། སྤྲོ་བ
235b6 ཆེན་པོ་མི་ཐུལ་བ་རབ་ཏུ་འཐོབ་པར་འགྱུར་རོ།། བྱམས་པ་ལ་གནས་ཏེ། སྦྱིན་པ་བྱིན་ན། རྣམ་པར་སྨིན་པ་གནོད་སེམས་མེད་པ་རབ་ཏུ་འཐོབ་པར་འགྱུར་རོ།། སྙིང་རྗེ་ལ
235b7 གནས་ཏེ་སྦྱིན་པ་བྱིན་ན། རྣམ་པར་སྨིན་པ་འཚེ་བ་མེད་པ་རབ་ཏུ་འཐོབ་པར་འགྱུར་རོ།། དགའ་བ་ལ་གནས་ཏེ་སྦྱིན་པ་བྱིན་ན། རྣམ་པར་སྨིན་པ་མི་འཇིགས་པ་རབ་ཏུ་འཐོབ
235b8 བར་འགྱུར་རོ།། གཏང་སྙོམས་ལ་གནས་ཏེ་སྦྱིན་པ་བྱིན་ན། རྣམ་པར་སྨིན་པ་མི་དགའ་བ་རབ་ཏུ་འཐོབ་པར་འགྱུར་རོ།། རྣམ་པ་སྣ་ཚོགས་སྦྱིན་པ་བྱིན་ན། རྣམ་པར་སྨིན་པ
iiif viewer powered by OpenSeadragon
