| e-texts navigator |
| Wylie |
235a1 པ་རབ་ཏུ་འཐོབ་པར་འགྱུར་རོ།། གོས་སྦྱིན་པ་བྱིན་ན། རྣམ་པར་སྨིན་པ་གོས་ཀྱི་ལོངས་སྤྱོད་སྣ་ཚོགས་རབ་ཏུ་འཐོབ་པར་འགྱུར་རོ།། གནས
235a2 སྦྱིན་པ་བྱིན་ན། རྣམ་པར་སྨིན་པ་པུ་ཤུ་དང་། ཁང་པ་བརྩེགས་པ་དང་། ཁྱམས་དང་། ཁང་པ་དང་། གཞལ་མེད་ཁང་དང་། བསྐྱེད་ཤིང་གི་ར་བ་དང་། ཀུན་དགའ
235a3 ར་བ་དང་། ཡུལ་རབ་ཏུ་ཐོབ་པར་འགྱུར་རོ།། མལ་ཆ་སྦྱིན་པ་བྱིན་ན། རྣམ་པར་སྨིན་པ་རིགས་མཐོན་པོ་རབ་ཏུ་འཐོབ་པར་འགྱུར་རོ།། གཞོན་པ་སྦྱིན་པ་བྱིན་ན།
235a4 རྣམ་པར་སྨིན་པ་རྫུ་འཕྲུལ་གྱི་རྐང་པ་བཞི་རབ་ཏུ་འཐོབ་པར་འགྱུར་རོ།། སྨན་སྦྱིན་པ་བྱིན་ན། རྣམ་པར་སྨིན་པ་རྒ་ཤི་མེད་ཅིང་མྱ་ངན་དང་ཀུན་ནས་ཉོན་མོངས་པ་འགོག་པའི་མྱ
235a5 ངན་ལས་འདས་པ་རབ་ཏུ་འཐོབ་པར་འགྱུར་རོ།། ཆོས་སྦྱིན་པ་བྱིན་ན། རྣམ་པར་སྨིན་པ་སྐྱེ་བ་དྲན་པ་རབ་ཏུ་འཐོབ་པར་འགྱུར་རོ།། མེ་ཏོག་སྦྱིན་པ་བྱིན་ན། རྣམ་པར
235a6 སྨིན་པ་བྱང་ཆུབ་ཀྱི་ཡན་ལག་གི་མེ་ཏོག་རབ་ཏུ་འཐོབ་པར་འགྱུར་རོ།། ཕྲེང་བ་སྦྱིན་པ་བྱིན་པ་ན། རྣམ་པར་སྨིན་པ་འདོད་ཆགས་དང་། ཞེ་སྡང་དང་། གཏི་མུག་གི་དྲི་མ་རྣམ
235a7 པར་དག་པ་རབ་ཏུ་འཐོབ་པར་འགྱུར་རོ།། བདུག་པ་སྦྱིན་པ་བྱིན་ན། རྣམ་པར་སྨིན་པ་ཉོན་མོངས་པའི་དྲི་ང་བ་ཐམས་ཅད་མེད་པར་རབ་ཏུ་འཐོབ་པར་འགྱུར་རོ།། གདུགས
235a8 སྦྱིན་པ་བྱིན་ན། རྣམ་པར་སྨིན་པ་ཆོས་ལ་དབང་བའི་དབང་ཕྱུག་རབ་ཏུ་འཐོབ་པར་འགྱུར་རོ།། དྲིལ་བུ་སྦྱིན་པ་བྱིན་ན། རྣམ་པར་སྨིན་པ་སྒྲ་དབྱངས་ཡིད་དུ་འོང་བ་རབ་ཏུ་འཐོབ
iiif viewer powered by OpenSeadragon
