| e-texts navigator |
| Wylie |
232b1 མཁྲུགས་པར་མཐོང་བ་འདི་ནི་ཡང་དག་པའི་ཏིང་ངེ་འཛིན་ཏེ། འཇམ་དཔལ་འབྲགས་པའི་ལམ་ཡན་ལག་བརྒྱད་པ་ནི་དེ་ལྟར་བལྟ་བར་བྱའོ།། འཇམ་དཔལ་གྱིས
232b2 གསོལ་པ། བཅོམ་ལྡན་འདས་དབང་པོ་ལྔ་དག་ཇི་ལྟར་བལྟ་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་སུས་རང་བཞིན་གྱིས་མ་སྐྱེས་པའི་ཕྱིར
232b3 ཆོས་ཐམས་ཅད་མ་སྐྱེས་པར་མཐོང་ལ་ཡིད་ཆེས་པ་འདི་ནི་དད་པའི་དབང་པོའོ།། འཇམ་དཔལ་སུས་ཉེ་བའི་འདུ་ཤེས་དང་རིང་བའི་འདུ་ཤེས་དང་བྲལ་བའི་ཕྱིར་ཆོས་ཐམས
232b4 ཅད་ལ་སེམས་མི་གཏོང་བ་འདི་ནི་བརྩོན་འགྲུས་ཀྱི་དབང་པོའོ།། འཇམ་དཔལ་སུས་དམིགས་པ་དབེན་པའི་ཆོས་ཐམས་ཅད་ཡིད་ལ་མི་བྱེད་ཅིང་དྲན་པ་མི་འདོགས
232b5 པ་འདི་ནི་དྲན་པའི་དབང་པོའོ།། འཇམ་དཔལ་སུས་མི་དམིགས་པའི་ཕྱིར་ཆོས་ཐམས་ཅད་གཉིས་སུ་མེད་པར་མཐོང་བ་འདི་ནི་ཏིང་ངེ་འཛིན་གྱི་དབང་པོའོ།། འཇམ
232b6 དཔལ་སུས་སྐྱེ་བ་དང་བྲལ་བ་དང་མི་ཤེས་པ་དང་བྲལ་བའི་ཕྱིར་ཆོས་ཐམས་ཅད་རང་བཞིན་གྱིས་སྟོང་པར་མཐོང་བ་འདི་ནི་ཤེས་རབ་ཀྱི་དབང་པོ་སྟེ། འཇམ་དཔལ་དབང་པོ་ལྔ
232b7 པོ་དག་ནི་དེ་ལྟར་བལྟ་བར་བྱའོ།། འཇམ་དཔལ་གྱིས་གསོལ་པ། བཅོམ་ལྡན་འདས་བྱང་ཆུབ་ཀྱི་ཡན་ལག་བདུན་པོ་དག་ཇི་ལྟར་བལྟ་བར་བགྱི། བཅོམ་ལྡན་འདས་ཀྱིས
232b8 བཀའ་སྩལ་པ། འཇམ་དཔལ་སུས་དྲན་པ་མེད་ཅིང་ཡིད་ལ་བྱེད་པ་མེད་པའི་ཕྱིར་ཆོས་ཐམས་ཅད་དངོས་པོ་མེད་པར་མཐོང་བ་འདི་ནི། དྲན་པ་ཡང་དག་བྱང་ཆུབ་ཀྱི་ཡན
iiif viewer powered by OpenSeadragon
