| e-texts navigator |
| Wylie |
157a1 པར་དགའ་བ་བྱ་བ་མ་ཡིན་པའོ།། དགེ་སློང་དག་སྲོག་ནི་འཇིག་རྟེན་ཐམས་ཅད་ལ་སྡུག་པ་དབེན་པ་ཕངས་པ། ཡིད་དུ་འོང་བ་མངོན
157a2 བར་དགའ་བར་བྱ་བའོ།། སྲོག་དེའི་མཐའ་ཡང་འཇིག་རྟེན་ཐམས་ཅད་ལ་མི་སྡུག་པ་མི་དབེན་པ་མི་ཕངས་པ། ཡིད་དུ་མི་འོང་བ་མངོན་པར་དགའ་བར་བྱ་བ་མ་ཡིན་པའོ།། །
157a3 བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས་དེ་སྐད་ཅེས་གསུངས་ནས། སྟོན་པས་གཞན་ཡང་འདི་སྐད་བཀའ་སྩལ་ཏོ།། ནད་མེད་མི
157a4 རྟག་ལང་ཚེ་རྟག་མ་ཡིན། འབྱོར་པ་མི་རྟག་སྲོག་ཀྱང་རྟག་མ་ཡིན། སྐྱེ་བོ་མི་རྟག་ཉིད་ཀྱིས་ཉེན་གྱུར་ན། འདོད་པའི་ཡོན་ཏན་དགའ་བ་ཇི་ལྟར་སྐྱེ། བཅོམ་ལྡན་འདས་ཀྱིས
157a5 དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། མི་རྟག་པ་ཉིད་ཀྱི་མདོ་རྫོགས་སྷོ།། །
157a6 ། རྒྱ་གར་སྐད་དུ། ཀརྨ་བ་བྷ་ག། བོད་སྐད་དུ། ལས་རྣམ་པར་འབྱེད་པ། སངས་རྒྱས་དང་བྱང་ཆུབ
157a7 སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས
157a8 སྦྱིན་གྱི་ཀུན་དགའ་ར་བ་ན་བཞུགས་ཏེ། དེ་ནས་བཅོམ་ལྡན་འདས་སྔ་དྲོ་ཆོས་གོས་དང་། ཤམས་ཐབས་བསྣམས། ལྷུང་བཟེད་བསྣམས་ཏེ། མཉན་ཡོད་དུ་བསོད་སྙོམས
iiif viewer powered by OpenSeadragon
