| e-texts navigator |
| Wylie |
99b1 མཁས་པས་ལས་ཀྱི་བྱེད་པ་སྟོན་ནོ།། བསྟན་པ་འདི་ལ་རབ་ཏུ་བྱུང་བ་བསྐུར་བ་བཏབ་པ་དག་འབྱུང་སྟེ། དེ་དག་མི་བདེན་པར་སྐུར་བར་འགྱུར་རོ།། དེ་དག་འགྱོད་པ
99b2 དུ་འགྱུར་ཏེ། སྐུར་པ་བཏབ་པ་དང་། དེ་བཞིན་གཤེགས་པ་ཆོས་དཀར་པོ་ཐམས་ཅད་དང་ལྡན་པ་དེ་ལ་ཡང་མངོན་སུམ་དུ་སྐུར་པ་འབྱུང་བ་ན། བདག་ཅག་ལྟ་ལ་ཅིའི་ཕྱིར་མི
99b3 འབྱུང་། ཞེས་སྤྲས་ཤིང་དེ་དག་དེའི་ཚེ་སྐུར་པ་ཟིལ་གྱིས་མནན་ནས་ཡོངས་སུ་དག་པ་ཡོངས་སུ་དཀར་བའི་ཚངས་པར་སྤྱོད་པ་སྤྱད་པར་འགྱུར་གྱི། འབྲི་བར་ནི་མི་འགྱུར་རོ།། བུ
99b4 མོ་ཙ་ནི་སྡིག་པའི་ལས་ཀྱིས་ཡོག་ན། རྨི་ལམ་ན་དེ་བཞིན་གཤེགས་པ་ལ་སྐུར་པ་འདེབས་པ་སྟེ། ཤི་འཕོས་མ་ཐག་ཏུ་ཡང་སེམས་ཅན་དམྱལ་བར་འགྲོ་བར་འགྱུར་རོ།། དེ་ལྟར
99b5 དེ་བཞིན་གཤེགས་པས་དེ་སྲུང་ནུས་པར་མཁྱེན་ན་ནི་དེ་བསྲུངས་པར་འགྱུར་རོ།། དེ་ཅིའི་ཕྱིར་ཞེས་ན། དེ་བཞིན་གཤེགས་པས་ནི་སེམས་ཅན་གང་ཡང་ཡོངས་སུ་བཏང་བ་མེད་པའི
99b6 ཕྱིར་རོ།། ཅིའི་ཕྱིར་ཞེ་ན། མཛེས་མ་ཀུན་ཏུ་རྒྱུ་བ་སྲོག་དང་ཕྲལ་ནས་མཛེ་ཏེའི་ཚལ་དུ་སྦས་ལ། དེ་བཞིན་གཤེགས་པ་ཐམས་ཅད་མཁྱེན་པས་ཀྱང་གཡེལ་བར་བོར་ཞེ་ན། དེ་བཞིན
99b7 གཤེགས་པ་ནི་ཐོགས་པ་མེད་པ་འདི་ཡེ་ཤེས་དང་ལྡན་པས། དེ་འདྲ་བར་འགྱུར་བའི་ཡང་མཁྱེན་ལ། དེ་བཞིན་གཤེགས་པས་ཅི་ནས་ཀྱང་མཛེས་མ་ཀུན་ཏུ་རྒྱུ་བ་མཚོན་གྱིས་མི་ཟུང་བ་དང་།
99b8 གཞན་དུ་འབང་བར་བྱ་བ་དེ་ལྟ་བུའི་རྫུ་འཕྲུལ་བྱིན་གྱིས་བརླབས་ཀྱང་ནུས་མོད་ཀྱི། དེ་བཞིན་གཤེགས་པས་མཛེས་མ་ཀུན་ཏུ་རྒྱུར་ཚེ་ཟད་པས་དེ་ངེས་པར་འཆི་དགོས་ལ། རྣམ་གྲངས
iiif viewer powered by OpenSeadragon
