| e-texts navigator |
| Wylie |
98b1 ལས་ཡོངས་སུ་ཐར་པར་གྱུར་ཏོ།། རིགས་ཀྱི་བུ་གལ་ཏེ་དེ་བཞིན་གཤེགས་པས་སྲན་གཞན་བཏང་དུ་བིན་ན། གང་དགེ་སློང་དེ་དག་སྨན་གཞན་ཚོལ་བར་གྱུར་པའི་གནས་མེད
98b2 སྐབས་མེད་དོ།། ནད་དེ་ལས་ཡོངས་སུ་ཐར་པར་འགྱུར་བ་འམ། དགྲ་བཅོམ་པར་འགྱུར་བ་དེ་ལྟ་བུའི་གནས་ཀྱང་མེད་དོ།། ཅིའི་ཕྱིར་ན། དེ་བཞིན་གཤེགས་པ་བསོད་ནམས
98b3 ཐམས་ཅད་ཡང་དག་པར་འཕགས་པ་བསོད་སྙོམས་ཀྱི་ཕྱིར་གྲོང་དུ་ཞུགས་པ་ལས། ལྷུང་བཟེད་བ་པོ་ཅི་ལྟར་བཀྲུས་པ་བཞིན་དུ་སླར་བྱུང་ཞེ་ན། དེ་བཞིན་གཤེགས་པ་ལས་ཀྱི་སྒྲིབ
98b4 པ་ནི་མེད་མོད་ཀྱི། དེ་བཞིན་གཤེགས་པས་ཕྱིར་མིའི་འགྲོ་བ་དག་བསྲུངས་པའི་ཕྱིར་ཏེ། དགེ་སློང་གང་ལ་ལ་ཞིག་གྲོང་དང་། ཕོ་བྲང་དང་། གང་རྒྱལ་པོའི་ཕོ་བྲང་འཁོར་དུ
98b5 སོང་བ་ལས། བདག་ནི་བསོད་རྣམས་ཆུང་བས་བསོད་སྙོམས་མ་རྙེད་ན། དེའི་ཚེ་ན་དེ་དག་དེ་བཞིན་གཤེགས་པ་བསོད་ནམས་ཀྱི་ཚོགས་བསྩགས་པ་ཉིད་ཀྱང་། ལྷུང་བཟེད་ཇི
98b6 ལྟ་བཀྲུས་པ་བཞིན་སླར་བྱུང་ན། བདག་ཅག་དགེ་བའི་རྩ་བ་ཆུང་ངུ་དང་ལྡན་པ་ལྟ་ཅི་མོས་ཏེ། བསོད་སྙོམས་མ་རྙེད་པའི་ཕྱིར་ཡོངས་སུ་གདུངས་པར་མི་བྱའོ།། ཞེ་དེ་བཞིན་གཤེགས
98b7 པ་ཡིན་ལ་བྱེད་པར་འགྱུར་བས། དོན་དེ་གཟིགས་ནས་དེ་བཞིན་གཤེགས་པས་གྲོང་དུ་གཤེགས་པ་ནས། ལྷུང་བཟེད་ཅེ་ལྟར་བཀྲུས་བཞིན་དུ་བྱུང་ངོ་།། ཡང་བདུད་སྡིག་ཅན་གྱིས་བྲམ
98b8 ཟེ་དང་། ཁྱིམ་བདག་སྡེ་ནས་ཀྱང་བསོད་སྙོམས་མི་ཏེར་བར་བྱིན་གྱིས་བསླབས་སོ།། ཞེས་བྱ་བ་ཡང་དེ་ལྟར་མི་ལྟའོ།། དེ་ཅིའི་ཕྱིར་ཞེ་ན། བདུད་ནི་དེ་བཞིན་གཤེགས་པ་ལ་བསོད
iiif viewer powered by OpenSeadragon
