| e-texts navigator |
| Wylie |
69a1 གསུང་རབ་ཏུ་གཏོགས་པ་ཐམས་ཅད་ཀྱི་དོན་ཀྱང་ཡིན་ནོ།། ཞེས་དེ་ལྟར་སྤོབས་ཅིང་དེས་ཚིགས་སུ་བཅད་པ་ཁ་ཏོན་དུ་བྱས་ནས། སེམས་ཅན་གང་ཇི
69a2 སྙེད་པ་བདག་གི་རྩ་བ་བཞི་པའི་ཚིགས་སུ་བཅད་པ་འདི་ཐོས་པ་དེ་ཐམས་ཅད་སངས་རྒྱས་ཀྱི་སྤོབས་པ་ཐོབ་པར་ཤོག་ཤིག། ཅེས་དེ་ལྟར་མ་ཞུམ་པའི་སེམས་ཀྱིས་སྨོན་ལམ
69a3 འདེབས་ཏེ། དེ་དགེ་བརྩ་བ་དེས་སེམས་ཅན་ཐམས་ཅད་ཀྱིས་ཐོས་པ་མཐའ་མེད་པ་དཔེའ་མེད་པ་ཟིལ་གྱིས་གནོན་ཏོ།། སངས་རྒྱས་ཀྱི་སྤོབས་པ་ཡང་ལེན་པར་བྱེད་དོ།།
69a4 རིགས་ཀྱི་བུ་རྩ་གཞན་ཡང་བྱང་ཆུབ་སེམས་དཔའ་ཐིགས་མཁས་པ་ནི་ནམ་ཞིག་གལ་ཏེ་བརྒྱ་ལ་དབུལ་པོར་གྱུར་ན། དེའི་ཚེ་ཆུང་ངུ་ན་གཞན་གྱི་ལས་ཀྱང་བྱས་ནས། ཟས
69a5 བཟར་བུ་གང་ཡིན་པ་ཏེ། སེམས་མ་ཞུམ་པས་དགེ་འདུན་ནམ་གང་ཟག་ལ་སྦྱིན་པར་བྱེད་དོ།། བྱིན་ནས་ཀྱང་འདི་ལྟར་སློབ་སྟེ། བཅོམ་ལྡན་འདས་ཀྱི་སེམས་ཆེ་ཆེར་གྱུར
69a6 ཏོ།། ཞེས་གསུངས་ཀྱིས་བདག་གིས་སྦྱིན་པ་ཆུང་ངུ་ཟིན་ཀྱང་ཐམས་ཅད་མཁྱེན་པ་ཉིད་ཀྱི་སེམས་ནི་དཔག་ཏུ་མེད་པའོ།། སྙམ་ནས། དེ་ཐམས་ཅད་མཁྱེན་པ་ཉིད་ཀྱི
69a7 སེམས་ཀྱིས་ཟས་བཟར་བུ་གང་པོ་སྦྱིན་པར་བྱེད་ཅིང་། དགེ་བའི་རྩ་བ་འདིས་སེམས་ཅན་ཐམས་ཅད་འདི་ལྟ་སྟེ། དཔེར་ན། ད་ལྟར་གྱི་དེ་བཞིན་གཤེགས་པ་ཕྱག་ན
69a8 རིན་ཆེན་བཞིན་དུ་ཤོག་ཤིག་ཅེས། ཟས་བཟར་བུ་སྦྱིན་པའི་རང་བཞིན་དང་། ཚུལ་ཁྲིམས་ཀྱིས་རང་བཞིན་དང་། བསྒོམ་པའི་རང་བཞིན་གྱིས་བསོད
iiif viewer powered by OpenSeadragon
