| e-texts navigator |
| Wylie |
119a1 མས། @#ཀྱི་རྣམ་གྲངས་འདི་ནི་ལེའུ་བཞི་པ་ཞེས་པར་ཡང་བཟུང་ཤིག། ཆོས་ཀྱི་མེ་ལོང་ཞེས་བྱ་བ་ཡང་བཟུང་ཤིག། བདུད་རྩིའི་ལྔ་པོ་ཆེ་ཞེས
119a2 བྱ་བར་ཡང་བཟུང་ཤིག། དེ་བས་ན་ཁམས་མང་པོ་པ་ཞེས་བྱ་བ་ནི། ཆོས་ཀྱི་རྣམ་གྲངས་འདིའི་ཚིགས་བླ་དགས་ཡིན་ནོ།། ཁམས་མང་པོ་ཞེས་བྱ་བའི་མདོ་རྫོག་སྷོ།། །
119a3 རྒྱ་གར་གྱི་མཁན་པོ་སུ་ལེནྟ་བོ་དེ་དང་། ཞུ་ཆེན་གྱི་ལོ་ཙཱ་བ་བན་དེ་ཡེ་ཤེས་སྡེས་བསྒྱུར་ཅིང་གཏན་ལ་ཕབ་པ།།
119a4 རྒྱ་གར་སྐད་དུ། སྦལ་པ་དེ་བ་ཏ་སཱུཏྲ། བོད་སྐད་དུ། ལྷའི་མདོ་ཉུང་ངུ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།།
119a5 འདི་སྐད་བདག་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་འཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ།
119a6 དེ་ནས་ལྷ་ཞིག་བཅོམ་ལྡན་འདས་ག་ལ་བ་དེར་སོང་སྟེ། ཕྱིན་ནས་བཅོམ་ལྡན་འདས་ཀྱིས་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ།།
119a7 ཕྱོགས་གཅིག་ཏུ་འདུག་ནས། ལྷ་དེས་བཅོམ་ལྡན་འདས་ལ་ཞུ་བ་ཞུས་པ།། ཚུལ་ཁྲིམས་གང་ལགས་སྤྱོད་པ་གང་།། ཡོན་རྟེན་གང་ལགས་གང་གིས།
119a8 གནས་ཇི་ལྟར་ཤེས་རབ་གང་།། སྐྱེ་བ་གང་དག་མཐོ་རིས་མཆི།། ལྷ་ལ་ཐུགས་བརྩེས་ཉེར་བཟུང་ནས།། སྟོན་པས་དེ་ལ་ལུང་བསྟེན་པ།། སྐྱེ་བོ་མཐོ་རིས
iiif viewer powered by OpenSeadragon
