| e-texts navigator |
| Wylie |
113b1 ཀྱི་ནད་གང་དག་དག་དང་། གནོད་པ་དང་། ནད་འགྲོ་བ་དང་། འཁྲུག་པ་གང་དག་འབྱུང་ཞིང་སྐྱེ་བ་དེ་དག་ཐམས་ཅད་ནི་བྱིས་པ་ལས་སྐྱེས་ཀྱི། མཁས་པ་ལ་ནི་མ་ཡིན་ནོ།།
113b2 ཀུན་དགའ་བོ་མ་འོངས་པའི་དུས་སུ་འཇིགས་པ་གང་དག་འབྱུང་ཞིང་སྐྱེས་པར་འགྱུར་བ་ཐམས་ཅད་ནི་བྱིས་པ་ལས་སྐྱེ་བར་འགྱུར་གྱི། མཁས་པ་ལས་མ་ཡིན་ནོ།། ཡམས་ཀྱི
113b3 ནད་གང་དག་དང་། གནོད་པ་དང་། ནད་འགོ་བ་དང་། འཁྲུག་པ་གང་དག་འབྱུང་ཞིང་སྐྱེ་བར་འགྱུར་བ་དེ་དག་ཐམས་ཅད་ནི་བྱིས་པ་ལས་སྐྱེ་བར་འགྱུར་གྱི། མཁས་པ་ལས་ནི་མ་ཡིན
113b4 ནོ།། ཀུན་དགའ་བོ་དེ་ལྟར་ན་འདས་པ་དང་། མ་འོངས་པ་དང་། ད་ལྟར་བྱུང་བའི་དུས་དག་ཏུ་འཇིགས་པ་དང་བཅས་པ་ནི་བྱིས་པའོ།། འཇིགས་པ་མེད་པ་ནི་མཁས་པའོ།། ཡམས
113b5 ཀྱི་ནད་དང་བཅས་པ་ནི་བྱིས་པའོ།། ཡམས་ཀྱི་ནད་མེད་པ་ནི་མཁས་པའོ། གནོད་པ་དང་བཅས་པ་ནི་བྱིས་པའོ།། གནོད་པ་མེད་པ་ནི་མཁས་པའོ།། ནད་འགོ་བ་དང་བཅས་པ།
113b6 ནི་བྱིས་པའོ།། རད་འགོ་བ་མེད་པ་ནི་མཁས་པའོ།། འཁྲུག་པ་དང་བཅས་པ་ནི་བྱིས་པའོ།། འཁྲུག་པ་མེད་པ་ནི་མཁས་པའོ།། ཀུན་དགའ་བོ་འཇིགས་པ་དང་། ཡམས་ཀྱི
113b7 ནད་དང་། གནོད་པ་དང་། ནད་འགོ་བ་དང་། འཁྲུག་པ་དག་ནི་བྱིས་པ་ལས་ཡིན་གྱི་མཁས་པ་ལས་ནི་མ་ཡིན་པར་ཤེས་པར་བྱའོ།། ཀུན་དགའ་བོ་དེ་ལྟ་བས་ན། བྱིས་པའི་ཆོས
113b8 དང་མཁས་པའི་ཆོས་ཁོང་དུ་ཆུད་པར་བྱའོ།། བྱིས་པའི་ཆོས་དང་མཁས་པའི་ཆོས་དག་ཁོང་དུ་ཆུད་ནས་ཀྱང་། བྱིས་པའི་ཆོས་ནི་སྤང་བར་བྱའོ།། མཁས་པའི་ཆོས་ནི་ཡང་དག
iiif viewer powered by OpenSeadragon
