| e-texts navigator |
| Wylie |
112b1 བཟུངས་རྫོགས་སྷོ།། ། རྒྱ་གར་སྐད་དུ། བ་ཧུ་ད་ཏུ་ཀཱ་སཱུ་ཏྲ། བོད་སྐད་དུ། ཁམས་མང་པོའི་མདོ།། སངས་རྒྱས་དང་བྱང་།།
112b2 ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་མཉན་དུ་ཡོད་པ་ན། རྒྱལ་བུ་རྒྱལ་བྱེད་ཀྱི་ཚལ
112b3 མགོན་ཟླས་སྦྱིན་གྱི་ཀུན་དགའ་ར་བ་ན་བཞུགས་སོ།། དེ་ནས་ཚེ་དང་ལྡན་པ་ཀུན་དགའ་བོ་གཅིག་པུ་དབེན་པར་སོང་སྟེ། ནང་དུ་ཡང་དག་གཞག་ནས། སེམས་ལ་སེམས
112b4 ཀྱི་རྣམ་པར་རྟོག་པ་འདི་ལྟ་བུ་དག་སྐྱེས་ཏེ། འཇིགས་པ་གང་དག་འབྱུང་ཞིང་སྐྱེ་བ་དེ་དག་ཐམས་ཅད་ནི་བྱིས་པ་ལས་སྐྱེས་མཁས་པ་ལས་མ་ཡིན་ནོ།། ཡམས་ཀྱི་ནད
112b5 གང་དག་དང་། གནོད་པ་དང་། ནད་འགོ་བ་དང་། འཁྲུག་པ་གང་དག་འབྱུང་ཞིང་སྐྱེ་བ་དེ་དག་ཐམས་ཅད་ནི་བྱིས་ལས་སྐྱེའི། མཁས་པ་ལས་མ་ཡིན་ནོ།། དེ་ནས་ཚེ་དང
112b6 ལྡན་པ་ཀུན་དགའ་བོ་ཕྱི་མ་འབྲེང་ནང་དུ་ཡང་དག་འཇོག་པ་ལས་ལངས་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ
112b7 མགོ་བོས་ཕྱག་ཏེ། ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས། ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།།
112b8 བཙུན་པ་འདིར་བདག་གཅིག་པུ་དབེན་པར་མཆིས་ཏེ། ནང་དུ་ཡང་དག་གཞག་ན། སེམས་ལ་སེམས་ཀྱི་རྣམ་པར་རྟོག་པ་འདི་ལྟ་བུ་སྐྱེས་ཏེ། འཇིགས་པ་གང
iiif viewer powered by OpenSeadragon
