| e-texts navigator |
| Wylie |
104b1 མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ། མགོན་མེད་ཟས་སྦྱིན་གྱིས་ཀུན་དགའ་ར་བ་ན། དགེ་སློང་གི་དགེ་འདུན་ཆེན་པོ་དང་ཐབས་ཅིག་དུ་བཞུགས་ཏེ། དེ་ནས་བཅོམ།
104b2 ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་འདི་ན་མི་བླུན་པོ་ལ་ལ་དམ་པའི་ཆོས་མ་ཡིན་པ་གསུམ་དང་ལྡན་ན། སྦྱིན་པ་དག་མི་བྱིན་ཞིང་།
104b3 བསོད་ནམས་དག་མི་བྱེད་ལ་ཚུལ་ཁྲིམས་ཡང་དག་པར་བླངས་ནས་གནས་པར་མི་བྱེད་དོ།། གསུམ་པོ་གང་ཞེ་ན་འདི་ལྟ་སྟེ། འདོད་ཆགས་དང་། སེར་སྣ་དང་བག
104b4 མེད་པ་སྟེ། དགེ་སློང་དག་འདི་ན་མི་བླུན་པོ་ལ་ལ་དམ་པའི་ཆོས་མ་ཡིན་པ་གསུམ་པོ་དེ་དག་དང་ལྡན་པས་སྦྱིན་པ་དག་མ་བྱིན་ཞིང་། བསོད་ནམས་དག་མ་བྱས་པ།
104b5 ཚུལ་ཁྲིམས་ཡང་དག་པར་བླངས་ཏེ་གནས་པར་མ་བྱས་པས། ལུས་ཞིག་སྟེ་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ
104b6 བར་འགྱུར་རོ།། དགེ་སློང་དག་སྐྱེས་བུ་དམ་པ་དམ་པའི་ཆོས་གསུམ་དང་ལྡན་པ་ནི། སྦྱིན་པ་དག་སྦྱིན་ཞིང་། བསོད་ནམས་བྱེད་ལ་ཚུལ་ཁྲིམས་ཡངས་དག་པར
104b7 བླངས་ཏེ་གནས་པར་བྱེད་དོ།། གསུམ་པོ་གང་ཞེ་ན་འདི་ལྟ་སྟེ། མ་ཆགས་པ་དང་། སོར་སྣ་མེད་པ་དང་། བག་ཡོད་པའོ་དགེ་སློང་དག་དམ་པའི་ཆོས་གསུམ་པོ་དེ
104b8 དག་དང་ལྡན་པ། སྐྱེས་བུ་དམ་པ་སྦྱིན་པ་དག་བྱིན་ཞིང་། བསོད་ནམས་དག་བྱེད་ལ། ཚུལ་ཁྲིམས་ཡང་དག་པར་བླངས་ཏེ་གནས་པར་བྱས་པས། ལུས་ཞིག་ཏེ་ཤི་བཱི།
iiif viewer powered by OpenSeadragon
