| e-texts navigator |
| Wylie |
354a1 ངོ་ཚ་ཤེས་པ་དང་ཁྲེལ་ཡོད་པ་ཐོབ་པར་འགྱུརརོ།། སྐྱོ་བ་ཞེས་བྱ་བའི་འོད་ཟེར་དེས་ནི། སེམས་ཅན་འདོད་ཆགས་སྤྱོད་པ་རྣམས་ཀྱི་འདོད་ཆགས
354a2 འཛེམ་པར་འགྱུར།། དགའ་བ་ཞེས་བྱ་བའི་འོད་ཟེར་དེ་ནི། སེམས་ཅན་ཞེ་སྡང་སྤྱོད་པ་རྣམས་ཞེ་སྡང་འཇོམས་པར་འགྱུར་རོ།། སྣང་བ་ཅན་ཞེས་བྱ་བའི་འོད་ཟེར་དེས་ནི།
354a3 སེམས་ཅན་གཏི་མུག་སྨོད་པ་རྣམས་རྟེན་ཅིང་འབྲེལ་པར་འབྱུང་བ་ཁོང་དུ་ཆུད་པོར་འགྱུར་རོ།། ཀུན་ཏུ་འགྲོ་བ་ཞེས་བྱ་བའི་འོད་ཟེར་དེས་ནི། སེམས་ཅན་ཆ་མཉམ་པར་སྤྱོད
354a4 པ་རྣམས་ཆ་མཉམ་པ་སྦེད་པ་སྤོང་བར་འགྱུརརོ།། དྲ་བ་ཅན་གྱི་འོད་དེ་བཞིན་གཤེགས་པ་ལ། གཟུགས་ཐམས་ཅད་སྟོན་པ་ཞེས་བྱ་བའི་འོད་ཟེར་ཡོད་དེ། འོད་ཟེར་དེས
354a5 རེག་པའི་སེམས་ཅན་རྣམས་དེ་བཞིན་གཤེགས་པའི་སྐུ། ཁ་དོག་སྣ་ཚོགས་ཁ་དོག་དུ་མ་ཁ་དོག་བརྒྱ་སྟོང་དུ་མས་ལྷག་པར་མཐོང་བར་འགྱུརརོ།། དྲ་བ་ཅན་གྱི་འོད་ངས
354a6 དེ་བཞིན་གཤེགས་པའི་འོད་ཟེར་ལ་བརྩམས་ཏེ། བསྐལ་བ་འམ། སྐལ་པ་ལས་ལྷག་པར་བཤད་ཀྱང་། དེ་བཞིན་གཤེགས་པའི་སྐུ་འོད་ཟེར་གྱི་རྣམ་པ་དང་ལྡན
354a7 པའི་ཆོས་བསྟན་པ་ཡོངསུ་ཟད་པར་མི་འགྱུར་ཏེ།། དེ་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི། འོད་ཟེར་གྱི་ཡོན་ཏན་མཐའ
354a8 ཡས་མུ་མེད་པ་དང་ལྡན་པ་ཡིན་ནོ།། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་བྱང་ཆུབ་སེམས་དཔའ་དྲ་བ་ཅན་གྱི་འོད་ཀྱིས་འདི་སྐད་ཅེས་གསོལ་པ་ད
iiif viewer powered by OpenSeadragon
