| e-texts navigator |
| Wylie |
349a1 ཤེས་ཡིད་འོང་མཆོད་པ་བས།། གང་ཞིག་སངས་རྒྱས་བྱས་པ་བཟོ་བ་དང་།། དཀོན་མཆོག་གསུམ་ནི་རྗེསུ་གཟུང་བ་དང་།། ཆོས་འདི་ལ་ནི་སེམས་ཅན
349a2 གཟུང་བའི་ཕྱིར།། དམ་ཆོས་འཛིན་པ་དེ་ནི་ཆོས་མཆོག་གོ།། ཇི་ལྟར་མགོན་པོ་རྣམས་ཀྱི་ཆོས་འཛིན་ལྟར།། སེམས་ཅན་གང་ངས་སངས་རྒྱས་སྤྱན་གྱིས་གཟིགས།། དེ
349a3 དག་གང་གིས་བརྒྱ་བྱིན་ཚངས་པར་བཀོད།། དེའི་བསོད་ནམས་དེ་སྙེད་མི་འཕེལ་ལོ།། དེའི་བསོད་ནམས་དེ་སེམས་ཅན་དེ་ཀུན་དགྲ་བཅོམ་བཀོད་པ་དང་།། རང་རྒྱལ་ཐེག
349a4 པར་རབ་ཏུ་བཀོད་པ་བས།། གང་ཞིག་བྱང་ཆུབ་ཏུ་ནི་སེམས་བསྐྱེད་ནས།། དམ་ཆོས་འཛིན་པ་དེ་ནི་ཁྱད་པར་འཕགས།། གལ་ཏེ་བསོད་ནམས་དེ་ལ་གཟུགས་ཡོད
349a5 ན།། ཕྱོགས་བཅུའི་ཞིང་རྣམས་ཐམས་ཅད་གང་བར་འགྱུར།། སྐྱེས་བུ་ཁྱུ་མཆོག་ཡེ་ཤེས་མ་གཏོགས་པར།། བསོད་ནམས་དེའི་བསྣོད་ནི་ཡོད་མ་ཡིན།། ཇི་ལྟར་སྐལ་པ
349a6 བྱེ་བ་སྟོང་བརྗོད་ཀྱང་།། སངས་རྒྱས་ཡེ་ཤེས་མཐའ་ཡོད་མ་ཡིན་ལྟར།། དེ་བཞིན་གཤེགས་ཀྱི་དམ་ཆོས་འཛིན་པ་ཡིས།། བསོད་ནམས་དེ་ཡང་ཚད་ཡོད་མ་ཡིན་ནོ།།
349a7 དེ་ནས་བྱང་ཆུབ་སེམས་དཔའ་བསོད་ནམས་ཀྱིས་བརྒྱན་པས།། བཅོམ་ལྡན་འདས་ལས་དམ་པའི་ཆོས་ཡོངས་སུ་འཛིན་པའི།། བསོད་ནམས་འདི་བཤད་པ་ཐོས་ནས།། ཚམ
349a8 ཞིང་མགུ་ལ་ཡིད་རངས་ཏེ།། རབ་ཏུ་དགའ་ནས། དགའ་བ་དང་། ཡིད་བདེ་བ་སྐྱེས་ཏེ།། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བྱང་ཆུབ་སེམས་དཔའ
iiif viewer powered by OpenSeadragon
