| e-texts navigator |
| Wylie |
205b1 དོགས་མི་བྱ།། དཀོན་མཆོག་ཆོས་འདི་རབ་ཏུ་བཤད་པ་ན།། ཕྱོགས་བཅུའི་ཞིང་ནི་བྱེ་བ་གཡོགས་པར་གྱུར།། སྣང་བ་བྱུང་ཞིང་མེ་ཏོག་ཆར་ཀྱང་བདེ།།
205b2 སིལ་སྙན་བརྒྱ་དག་མ་དཀྲོལ་སྐྲ་ཡང་བྱུང་།། བྱང་ཆུབ་སེམས་དཔའ་མཁས་བདེདག་ཀུན།། མགུ་བས་ཆེད་དུ་བརྗོད་པ་ཆེད་དུ་བརྗོད། ཆོས་བསྟན
205b3 འདི་ཐོས་བདག་ཅག་རྣམས།། འཚོ་བ་དོན་ཡོད་སྐྱེད་པ་ལེགས་པར་རྙེད།། གང་དག་འདི་འདྲ་འདི་ནི་ཐོས་འགྱུར་བ།། སེམས་ཅན་འདི་དག་སྐྱེད་པ
205b4 ལེགས་པར་རྙེད།། གང་དག་བྱང་ཆུབ་སེམས་ནི་མི་བརྗེད་པ།། དེ་དག་དེ་བཞིན་གཤེགས་ཤིན་ཏུ་བཟུང་།། ཕྱོགས་བཅུའི་སངས་རྒྱས་སྟོང་ཕྲག
205b5 བྱེ་བའི་རྣམས།། ཕྱག་ནི་གཡས་པ་རབ་ཏུ་བརྐྱང་མཛད་དེ།། ཡོན་ཏན་རྒྱ་མཚོ་སྤྱི་བོར་གཞག་ནས་ནི།། ཤཱཀྱ་སེང་གེའི་བསྐུལ་བ་ལེགས་ཤེས
205b6 གསུངས།། ལྷ་དང་ཀླུ་དང་ལྷ་མིན་མི་འམ་ཅི།། དྲི་ཟ་གནོད་སྦྱིན་མཁའ་ལྡིང་ལྟ་ཕྱི་ཆེ།། བརྒྱ་བྱིན་ཚངས་པ་འཇིག་རྟེན་སྐྱེང་བ་རྣམས།། ན་མཁའ
205b7 གནས་ཏེ་ཆེད་དུ་བརྗོད་པ་བརྗོད།། ཤཱཀྱ་སེང་གེ་འདི་དང་དགེ་འདུན་དང་།། མདོ་སྡེ་འདི་འདྲ་བ་ནི་འཛིན་བྱེད་པ།། བྱང་ཆུབ་སེམས་དཔའ་དཔའ་བ
iiif viewer powered by OpenSeadragon
