| e-texts navigator |
| Wylie |
203a1 ཀྱིས་བཀའ་སྩལ་པ། བློ་གྲོས་རྒྱ་མཚོ་དགེ་སློང་ཀུན་དགའ་བོ་རང་གི་བློའི་སྟོབས་བསྐྱེད་པས། མདོ་སྡེ་འདི་ལྟ་བུ་འཛིན་པ་མ་ཡིན
203a2 གྱི། དེ་བཞིན་གཤེགས་པའི་བྱིན་གྱིས་བརླབས་ཀྱིས་འཛིན་ཏོ།། བློ་གྲོས་རྒྱ་མཚོ་སེམས་ཅན་གང་དག་དགེ་སློང་ཀུན་དགའ་བོ་ལས་ཆོས་ཀྱི་རྣམ་གྲངས་འདི
203a3 ཐོས་ན། དགའ་བ་དང་དད་པ་དང་། མཆོག་ཏུ་དགའ་བ་ཐོབ་པར་འགྱུར་བ་ཡོད་དེ། དེ་དག་འདི་སྙམ་དུ་འདི་ལྟ་སྟེ། དེ་བཞིན་གཤེགས་པའི་བྱིན་གྱི
203a4 བརླབས་ཀྱིས་འདི་ལྟར་ཉན་ཐོས་ཀྱང་འདི་ལྟ་བུའི་མདོ་སྡེ་འདི་འཛིན་ཅིང་སྟོན་པ་ནི། དེ་བཞིན་གཤེགས་པའི་བྱིན་གྱི་བརླབས་ཇི་ཙམ་དུ་བསམ་གྱིས་མི་ཁྱབ
203a5 པ་ངོ་མཚར་ཏོ།། སྙམ་དུ་སེམས་པར་འགྱུར་རོ།། དེ་ནས་འཁོར་དེ་ལས་ལྷ་དང་མི་ཁ་ཅིག་འདི་སྙམ་དུ་སེམས་ཏེ། ཅི་བྱང་ཆུབ་སེམས་དཔའ་བློ་གྲོས་རྒྱ་མཚོ
203a6 འདི་དྲན་པ་དང་ལྡན་པ་ཡིན་གྱི། གང་བཅོམ་ལྡན་འདས་ཀྱིས་མང་དུ་ཐོས་པའི་མཆོག་ཏུ་བསྟན་པ། ཚེ་དང་ལྡན་པ་ཀུན་དགའ་བོ་ནི་དེ་ལྟ་བུ་མ་ཡིན་སྙམ་མོ།།
203a7 དེ་ནས་ཚེ་དང་ལྡན་པ་འོད་སྲུང་ཆེན་པོས་འཁོར་དེའི་སེམས་ཀྱི་རྣམ་པར་རྟོགས་པ་སེམས་ཀྱིས་ཤེས་ནས། འཁོར་གྱི་སེམས་རྣམས་ལ་རྣམ་པར་བལྟས་ཏེ།
iiif viewer powered by OpenSeadragon
