| e-texts navigator |
| Wylie |
202b1 ཆུ་ནི་མེར་འགྱུར་ཡང་སྲིད། འབྱུང་བ་ཆེན་པོ་བཞི་ནི་གཞན་དུ་འགྱུར་ཡང་སྲིད། སེམས་ཅན་ཐམས་ཅད་ཀྱི་སེམས་ནི་ཅིག་ཏུ་བྱར་རུང་ཡང་སྲིད། ན་མཁའ་དང་ས་ནི
202b2 འབྱར་ཀྱང་སྲིད་ཀྱི། དེ་བཞིན་གཤེགས་པའི་བྱིན་གྱིས་བརླབས་ནི་སུས་ཀྱི་བསྐྱོད་པའམ། གཡོ་བ་འམ། འཁྲུག་པར་བྱེད་མི་ནུས་སོ་ཞེས་གསུངས་སོ།། དེ་ནས
202b3 བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོའི་སྤྱི་བོར་ཕྱག་བཞག་སྟེ། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ།། ཀུན་དགའ་བོ་ཁྱོད
202b4 ཀྱིས་དམ་པའི་ཆོས་ཡུན་རིང་དུ་གནས་པར་བྱ་བར་ཉེ་བར་གཟུང་སྟེ། ཆོས་ཀྱི་རྣམ་གྲངས་འདི་ཟུང་ཤིག་ཆོངས་ཤིག། ལྷོགས་ཤིག། ཀུན་ཆུབ་པར་གྱིས་ཤིག།
202b5 གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་སྟོན་ཅིག། བཅོམ་ལྡན་འདས་ལ་བྱང་ཆུབ་སེམས་དཔའ་བློ་གྲོས་རྒྱ་མཚོས་འདི་སྐད་ཅེས་གསོལ་ཏོ།། བཅོམ་ལྡན
202b6 འདས་ཀྱིས་དོན་གྱི་དབང་གང་གཟིགས་ན། དེ་ལྟ་མ་ལགས་པ། རྒྱ་མཚོ་དང་མཚོ་ཆེན་པོ་ལྟར་གཏིང་དཔའ་དཀའ་བའི་དྲན་པ་དང་། བློ་རབ་ཏུ་ཐོབ་པའི་བྱང་ཆུབ
202b7 སེམས་དཔའ་གཞན་དག་མཆིས་བཞིན་དུ། དགེ་སློང་ཀུན་དགའ་བོ་ཉི་ཚེ་བའི་འཚལ་བ་དང་ལྡན་པ་ལ་ཆོས་ཀྱི་ལེའུ་འདི་ཡོངས་སུ་གཏད། བཅོམ་ལྡན་འདས
iiif viewer powered by OpenSeadragon
