| e-texts navigator |
| Wylie |
200b1 ཚངས་རིགས་ཀྱི་ལྷའི་བུ་རྣམས་དང་ལྷན་ཅིག་ཏུ་འོང་བར་འགྱུར་རོ།། བློ་གྲོས་རྒྱ་མཚོ་དེ་ལ་ཚངས་པ་འོངས་པར་འགྱུར་བའི་ལྟས་འདི་ལྟ་བུ་དག་འབྱུང་བར་འགྱུར་རོ།། །
200b2 འདི་ལྟ་སྟེ། འཁོར་ཐམས་ཅད་བྱམས་པའི་སེམས་སུ་འགྱུར་བ་དང་། དབང་པོ་ཉམས་པ་མེད་པ་དང་། གཅིག་ལ་གཅིག་མི་གནོད་པར་གནས་པ་དང་། ཆོས་དང
200b3 ཆོས་སྨྲ་བ་ལ་སྟོན་པ་དང་། བླ་མ་ལྟར་འཕགས་པར་སེམས་པ་དང་། ཐལ་མོ་སྦྱོར་བ་སེམས་རྩེ་གཅིག་པ་དང་། མི་གཡེང་བར་ཡིད་ལ་བྱེད་པ་དང་། རུས་ཤིང
200b4 ལྟར་བྱེད་པ་དང་། ཡིད་ལ་བྱེད་པ་དང་། སེམས་ཅན་ཐམས་ཅད་ཀྱིས་སེམས་དང་། རྣ་བ་བླགས་ཏེ་ཉན་པར་འགྱུར་བའོ།། ཆོས་སྨྲ་བ་དེ་ལ་ཡང་སྔོན་དུ་ལུང་མ
200b5 མནོས་པ་དང་། སྔོན་མ་ཐོས་པའི་ཆོས་རྣམས་ཀྱང་མངོན་དུ་འགྱུར་བ་སྟེ། འཁོར་དེར་མི་མཇེད་ཀྱི་བདག་པོ་ཚངས་པ་འོངས་པར་རིག་པར་བྱའོ།། དེ་ནས་མི་མཇེད
200b6 ཀྱི་བདག་པོ་ཚངས་པ་འཁོར་དེ་ཉིད་དུ་འདུས་པར་གྱུར་ཏེ། འདུག་པ་དེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་ཚངས་པའི
200b7 འཇིག་རྟེན་དུ་གནས་ཏེ། བསམ་གཏན་དང་ཚད་མེད་པའི་བདེ་བ་ལ་གནས་པ་བོར་ལ། གང་ན་ཆོས་ཀྱི་རྣམ་གྲངས་འདི་སྟོན་པའི་འཁོར་དེར་མཆི་བར་བགྱིའོ།། ཆོས
iiif viewer powered by OpenSeadragon
